Friends gyud

Walay problema sila si Markus Paterson ug Janella Salvador sa ilang co-parenting sa ilang two-

year old son nga si Jude. Managhigala matud pa silang duha ni Janella, bisan nagbuwag na sila

usa ka tuig na ang nilabay. "We're good, maayos naman kami. Anytime nahihiram ko si Jude, basta

walang trabaho. We're very happy in our own personal lives," ni Markus ngadto sa PEP.

"Not true"

Mismong si Dapitan City Mayor Bullet Jalosjos na ang niingon nga dili tinuod nga si Willie

Revillame ang mamahimong main host sa mag-rebrand na nga longest-running noontime show Eat

Bulaga. Si Bullet maoy treasurer sa TAPE Incorporated, producer sa Eat Bulaga. Sigon niya

ngadto sa PEP: No. Not true, for the record po.” Sigon ni Bullet, magpa presscon ra sila puhon

aron matin-aw ang mga isyu nga nagpalibot sa gikatahong rebranding nga pagahimuon sa 43-anyos

na nga Eat Bulaga.

Unta mahinayon pa

Aduna pay mga gihapsay hinungdan nga wala pa masugdi ang production sa TV adaptation sa Viva

Films hit movie Saan Nagtatago Ang Pag-ibig? nga gibituonan nila ni Star for All Seasons Vilma

Santos, Tonton Gutierrez ug Ricky Davao kaniadto. November 2022 pa nabalita nga ang mobida sa

TV version nga sa GMA7 isalida mao sila si Marco Gumabao, Yassi Pressman ug Ken Chan. Sigon ni

Marco nagworkshop na sila, andam ug excited na siya alang sa taping, apan gihunong una ang

production niini. Una unta kini nga teleserye ni Marco sa GMA7. Nanghinaot na lamang siya nga

mahinayon gihapon kini ug mao lamang gihapon ang cast.

Pang comedy na

Humana si Keanna Reeves sa mga sexy roles. Kini maoy iyang giklaro ngadto sa PEP human niya

gitsika nga apil siya sa four-part original series sa VivaMax nga Stalkers, diin bida sila si

Wilbert Ross ug Rose Van Ginkel. "Huwag na. Kasi tapos na ako diyan. Sabi mo nga, almost twenty

years na. So, mag-ibang level naman tayo,” niya pa. Pagpakatawa na matud pa iyang linya. "Ang

comedy, wala namang season ang comedy. Ang comedy, forever. Pero yung pa-sexy mo, siyempre may

expiry date yun. Ha! Ha! Ha!"

Sa pamilya pa

Giklaro ni Ruru Madrid nga para sa iyang pamilya pa ang iyang gipatukod karon nga balay. Apan

niya pa, kun mahuman na kini, balay na pud alang sa iya unyang pamilya maoy iyang isunod, diin

nanghinaot siya nga si Bianca Umali na gyud ang iyang igdayon. Dako og pasalamat si Ruru sa

GMA7 kay gipangga gyud siya pinaagi sa paghatag kaniya kanunay og projects hinungdan nga inanay

na niyang natuman ang iyang mga pangandoy sa kaugalingon ug sa iyang pamilya.

"It's a fake plant"

Kana maoy tubag ni Heart Evangelista ngadto sa iyang higala nga nikomento nga sekreto ra kining

nagworkout maong kusgan siya og bukton ug nabitbit niya ang tanom nga iyang gipalit. Trending

kining maong mga hulagway ni Heart didto sa Paris, France. Komedya sa uban niyang IG followers:

si Heart maora matud pa og imong silingan nga nangayo'g kamunggay diin nagtuo ka nga pipila

lang ka palwa ang gikuha pero gibitbit diay ang usa gyud ka sanga!

Walay dugong Sugbuanon?

Sukwahi sa pasiatab nga naggikan sa Sibonga, Cebu ang inahan ni Emmanuelle Vera, representante

sa Cebu Province, sa Miss Universe Philippines, usa ka nagpailang ig-agaw sa nahisgutan ang

nibaraw niini.

Sa IG account sa Miss Universe Philippines diin gi-upload ang hulagway sa mga kandidata nga

nag-sul-ob na sa ilang official sash, usa ka nagpailang ig-agaw ni Vera ang niingon nga taga

Amalung, Cagayan ang nahisgutan.

Suma pa niini, 100% American sab ang inahan ni Vera nga gitawag niya og "Tita Kourtney".

Una niini, laing netizen ang nikomentaryo nga dili "lumad" sa Cebu ang nahisgutan. Giaway pa

siya sa laing netizen og giingnan nga unta kini na lang maoy niapil.

Laing netizen ang nidepensa pinaagi sa pagpamunto nga taga Sibonga ang inahan ni Emman. Dinhi

na nikomentaryo ang nagpailang ig-agaw ug niingon nga gitugtan lamang si Emman nga morepresenta

sa lalawigan sa Sugbo sanglit dinhi kini niistar gumikan kay nalakip siya sa teleserye ni

Richard Gutierrez nga "Iron Heart" kansang taping nagpadayon pa dinhi sa probinsya.

Gawas nga artista, singer-composer, si Emman, napili nga third runner-up sa Reina

Hispanoamericana 2021.

"Grateful lang ako..."

Wala mahulga si Yeng Constantino sa mga batan-ong singers nga nisulbong karon ug sa mga nasulod

na sa industriya.

Sa launching niya isip ambassador sa Academy of Rock, gipasabot ni Yeng ngadto sa Philippine

Entertainment Portal (PEP) nga wala siyay ingon niini nga kabalaka gumikan kay malipayon siya

alang niining mga bag-ong singers nga nahiabot na gyud sila sa ilang buot padulngan.

Nasayod siya mismo unsa ka lisod sudlon ang music industry subay usab sa iyang naagian kaniadto

busa kanunay lamang siyang mapasalamaton.

Suma pa ni Yeng, kinsa maoy labing unang grand champion sa Pinoy Dream Academy, ang pagsulod sa

industriya susama og usa ka tren nga nagdagan--daghan matud pang naglumba nga makasakay.

Hinungdan nga kanunay lang gyud siya nga mapasalamaton, ilabi na nga gihangop sab gyud siya sa

publiko bisan paman niadtong jologs pa kaayo siya og mga kanta nga namugna.

"Sa akin dapat grateful lang ako kasi di ko alam kung hanggang saan ang hangganan ng career na

ito.

"Ang daming dumarating na mas maganda, mas magaling, mas maganda uli, mas talented." Niya pa

ngadto sa PEP.

Ang gitudlo gyud matud pa sa iyang amahan niya mao nga kanunay gyud magpasalamat.