Sunshine ug Macky nagbuwag?

CEBU, Philippines — Niulbo karon ang mga pagduda nga giputol na nila ni Sunshine Cruz ug Macky Mathay  ang ilang relasyon human wala na nila gi-follow ang usag-usa ang ilang mga Instagram account. Nisilaob  og samot ang maong hungihong sa dihang nag-post si Sunshine og   cryptic message.  “It wasn’t easy coz there’s not much you can do but pray and hope for the best. Challenges and trials will always be part of our lives and at the end of the day, we just have to focus on positive things coming our way.So much blessings are being given to me and my family afterall. Wala akong karapatang mag reklamo, "suma pa sa aktres. Matud pa niya nga dunay nagpahipi nga igong rason sa mga hagit nga iyang nasugatan. “‘Everything happens for a reason, live it, love it, learn from it,’” dugang pa ni Sunshine.

Andrea mipalanog sa "Gabay"

Naglawig karon ang pangalan sa Sugbuanon nga mag-aawit nga si Andrea Badinas human gi-release ang iyang awit nga "Gabay".

Mao kini ang awit nga nagtangag og mensahe alang sa lapad nga paglaom.

Na-himong inspirasyon ni Andrea mao ang iyang mga naagian panahon sa pandemya. "The Lord poured faith into my heart to remember His word and His promises and to trust him" nagkanayon si Andrea. Kahinum-doman nga nisalmot si Andrea kaniadto ubos sa Team Kawayan ni Coach Bamboo sa The Voice Teens niadtong 2017. Ang iyang latest single kay gipaluyohan sa Viva Records.

Karera ni Keanna wala mahupas

Gibutyag sa Cebuana actress nga si Keanna Reeves nga dakong garbo alang kaniya nga nalakip siya sa iWantTFC original series nga “Hoy, Love You" nga gibidahan nila ni Roxanne Guinoo-Yap ug Joross Gamboa gumikan kay usa kini sa mga rason nga padayon  gihapon siya nga nailhan sa katawhan.

Nagmaya og maayo ang aktres human nitungtong na karon sa season 3 ang maong series. Ka-partner usab ni Keanna sa pagpakatawa sa "Hoy, Love You" mao ang aktres nga si Carmi Martin.

Nanghakot og mga pasidungog

Pipila ka mga personalidad ug programa sa   Kapuso Network ang nagmadaogon sa   Gawad Pilipino Icon of the Year 2022 dili pa lang dugay.

Ang mga haligi sa GMA News and Public Affairs nga sila Jessica Soho, Mel Tiangco, ug Mike Enriquez maoy nangulo sa listahan  nga gihatagan og “Media Industry Icon of the Year” awards.

Midaog si Soho isip “Outstanding Magazine Show Host of the Year” alang sa top-rating show mga  Kapuso Mo, Jessica Soho.

Sila si Tiangco ug Enriquez, ang mga anchor sa GMA primetime newscast nga 24 Oras, ginganlan nga “Outstanding Female Anchor of the Year” ug “Outstanding Male Anchor of the Year".

Ang Unang Hirit host ug broadcast journalist nga si Susan Enriquez maoy nidaog sa “Outstanding Morning Show TV Host of the Year.” Ang Kapuso reporter nga si Mariz Umali, maoy napiling “Outstanding Field Reporter of the Year.”

Samtang ang Dapat Alam Mo! anchor ug reporter nga si Emil Sumangil maoy giila nga “Outstanding Male News Magazine Host of the Year.” Samtang ang Kapuso reporter nga si Cata Tibayan nidaog isip “Outstanding Showbiz Correspondent of the Year.”

Ang award-winning actress-singer nga si Glaiza de Castro maoy napili nga “Outstanding Composer of the Year.”

Ang versatile Kapuso actress nga si Yasmien Kurdi ang gihatagan og “Iconic Artist of the Year.”

Sila si Mavy Legaspi ug Kyline Alcantara maoy midaog isip “Best Young Love Team of the Year.”

Wala usab nagpalupig ang Phenomenal Star nga si Maine Mendoza kinsa ginganlan nga "Iconic Artist of the Year."

Ang adventure-serye sa GMA Public Affairs nga  Lolong nga gibidahan  ni Ruru Madrid, maoy giila nga "Best Primetime Serye," samtang ang long-running TV program nga Eat Bulaga  maoy nidaog isip "Best Noontime Show."

Donita ug Felson nagpakasal

Nagpakasal na sa miaging adlaw sila si  Donita Rose ug ang iyang  non-showbiz boyfriend  nga si Felson Palad. Ang maong intimate wedding gipahigayon didto sa San Clemente, California. “Surely your goodness and unfailing love will follow me all the days of my life, and I will dwell in the house of the LORD forever," ang IG post ni Donita nga gipahinungod kang Felson.

‘Start-Up PH' sugdan na

Mosikad na karong gabii ang bag-ong Kapuso series nga  ‘Start-Up PH' nga gibidahan nila ni Alden Richard ug Bea Alonzo. Mao kini ang Pinoy  adaptation sa 2020 South Korean series  nga  “Start-Up”.  Nalakip pud sa maong proyekto sila si  Yasmien Kurdi ug  Jeric Gonzales.

Forever ni Serena

Naghinam-hinam na og maayo si Serena Dalrymple sa umaabot nila nga kasal sa iyang hinigugma nga French American nga si Thomas Bredillet. Gipaneguro gyud sa kanhi child actress nga matinud-anon gyud nga tawo ang makauban niya sa tibouk kinabuhi.

Latest  single

Usa sa gikabisihan karon sa  Star Magic Artist nga si Krystal Brimner mao ang promosyon sa iyang latest single nga  “Let Me Be”.Kahinumdoman nga nisikat si Krystal kaniadto gumikan sa  international stage production nga Annie: The Musical.

Engaged na

Gipahibalo sa Kapamilya singer nga si  Angeline Quinto nga engaged na sila sa iyang  non-showbiz boyfriend nga si Nonrev Daquina. Iyaha kining gianunsyo atol sa iyang concert didto sa Amerika.

Nagpusot-pusot ang projects

Adunay umaabot nga  Netflix series si Piolo Pascual ug sugdan ang taping niini sa unang bahin sunod tuig.  Duna pud siyay nakalinya nga mga pelikula.  Malakip pud siya sa usa ka proyekto kun diin makauban niya si Bianca Umali.