Ara, engaged na

CEBU, Philippines — Engaged na si Ara Mina, 41 ngadto kang Philippine International Trading Corporation (PITC) Undersecretary Dave Almarinez, 46. Duha ka tuig sila nga dating sa wala pa ang maong engagement didto sa Laguna niadtong nilabay nga adlaw.Kanhi board member sa probinsya sa Laguna si Almarinez.

Makigtigi sa kdramas

Gibutyag ni direk Laurenti Dyogi nga mas i-level up pa nila ang ilang storytelling sa ilang mga salida aron makasugakod kini pakigtigi sa mga ginama sa South Korea ug America. Suma pa niya sa interview sa Rappler bag-ohay lang, gumikan sa pandemic, natanggong sa balay ang mga tawo busa nakilatis gyud nila ang mga kdramas ug uban pa, hinungdan nga itandi na nila ang kalidad sa mga ginama dinhi sa nasud. Dungan niini, tinguha nila nga makig partner sa Netflix, Iflix ug uban pang streaming apps aron hingpit na sila nga makigtigi sa tibuok kalibutan.

Vaklang twoooaahha!!!

Gitubag ni Vice Ganda ang pamahayag ni presidential spokesperson Harrry Roque nga dili angayang mamili kun unsa nga vaccine ang gamiton batok Covid-19. Tweet ni Vice agig reaksyon nagkanayon: Sa sabong panlaba nga choosy tayo e sa bakuna pa ba kaya. Ano to basta may maisaksak lang?! Vaklang twoooaahha!!!

Izla

Adunay umaabot nga pelikula sila si Beauty Gonzales ug Elisse Joson. Kini mao ang Izla nga iya sa Mavx Productions kauban ang Octo Arts. Malakip sab sa maong pelikula sila si Sunshine Garcia, Aiko Climaco, Analyn Barro, Archie Alemania, Isabelle Daza ug Paolo Contis. Si Barry Gonzales maoy director.

Artista na gyud!

Hingpit na nga mopalawod sa showbiz ang anak ni Senator Manny Pacquiao nga si Jimuel isip sakop sa grupo nga The Squad Plus nga gimugna sa ABS-CBN Star Magic para sa ilang bag-ong talents. Mulugwa siya sa Gold Squad Youtube channel nga aduna nay 2.5 million subscribers matag Martes aron ipakita ang iyang potentials. Ubay-ubay na nga newcomers ang lakip sa The Squad Plus sama nila Renshi de Guzman, KD Estrada, Nio Tria, Raven Rigor, ug Lance Carr. Ang mga babaye sab naglakip nila ni Alyanna Angeles, Sam Cruz, Anji Salvacion, Danica Ontengco, Margaux Montana, ug Angelica Lao.

Maricris,  mommy na...

Mommy na ang kanhi sakop sa La Diva nga si Maricris Garcia. Gipahibawo ni Maricris pinaagi sa Instagram adtong January 12, nga gihimugso niya ang anak nila sa iyang bana nga si TJ Cruz. Ginganlan nila ang anak nilang babay og Adaiah         Denise.

"No words could ever describe that overwhelming feeling the first time you hear your child cry," nagkanayon ang kanhi Pinoy Pop Superstar Year 3 champion.

Dungan niini, gipadayag niya ang iyang pagka hugyaw nga nagsabak siya og bata sulod sa siyam ka mga bulan.  Niya pa, "How can another human grow inside my body?!? How?!? "Life truly is a miracle and a gift from God, with Him nothing is impossible."

Walay malisya, Pure Fun!

Nitingog na si Derek Ramsay kabahin sa nikatap nga hulagway nila ni Ellen Adarna nga gi-upload ni Ruffa Gutierrez sa Instagram niadtong Lunes sa gabii.

Initial nga reaction ni Derek ngadto sa PEP Troika: “Lahat na lang, may issue sa akin. Akala ko ba, ayoko na sa babae and I’m gay?”

Pagkataod-taod nitawag gyud kini sa PEP Troika ug gisaysay ang panghitabo nganong namugna ang maong dinner bonding sa balay ni Derek adtong Lunes.

Suma pa niya, nakit-an niya sa usa ka restaurant ang iyang bestfriend nga si John Estrada kauban si Ellen ingon man mga production people sa umaabot nila nga sitcom nga John En Ellen. Nag-pre production matud pa ang mga nahisgutan alang sa nahisgutang sitcom nga mulugwa na sa TV5 karong January 24.

Sa ilang panag-istorya, didto nahibaw-an nga duol ra ang gipuy-an ni Ellen sa balay ni Derek sa Ayala Alabang hinungdan nga  iyang gidapit ang grupo nila ni John nga mag-dinner bonding unya sila puhon.

Ug mao na kadto nga dinner bonding ang nahitabo adtong Lunes.

Suma pa ni Derek, wala nisantop sa iyang hunahuna nga maintriga siya gumikan sa mga hulagway nga gi-upload ni Ruffa.

“Hindi ko na naisip yun, kasi alam mo naman ako, hindi naman ako nag-iisip ng ganyan, e,”niya pa sa PEP Troika.

Suma pa ni Derek nga walay malisya ang hulagway nila ni Ellen, igo ra matud pa nilang nahisgutan ang wala nila nahinayon nga panag-uban unta sa pelikula nga The Escort, diin si Lovi Poe ang napares sa Kapuso actor.

Giangkon ni Derek nga wala na siya makasabot nga bisan kinsa na lang ang gilambigit ngadto niya nga mga babaye.

“Grabe na. Nakakahiya kay Pops na friend ng mom ko. Pati si Bea, binuntis ko raw. Ngayon naman, lalaki?”

"Hindi ko na alam kung saan nanggagaling lahat ito. Napakatahimik kong tao.

"We’re all having fun,” niya pa.