Dili pa andam
CEBU, Philippines – Gitataw ni Glaiza de Castro nga wala pa silay plano sa iyang Irish boyfriend nga magpakasal. Suma poa sa aktres nga kasamtangan nila nga gi-enjoy ang kinabuhi isip mag-uyab.
Misalig kang Jane
Tsika pa ni Liza Soberano nga segurado siya nga mahatagan gyud og hustisya ni Jane de Leon ang pagdala niini isip Darna.
Nakadayeg usab siya sa maayong batasan ni Jane.
Mibalik sa showbiz
NIbalik sa showbiz ang pag-umangkon ni Tirso Cruz III nga si Tirso Cruz IV. Kasamtangang gi-promote niini ang iyang bag-ong single nga Pwede Pa Naman.
Todo busy
Nagpunsisok ang schedule ni Rocco Nacino karong panahon. Gawas sa promosyon sa pelikula niya nga Write About Love, busy usab kini sa taping sa Pinoy version sa Descendants of the Sun.
Misalig kang Jane
Tsika pa ni Liza Soberano nga segurado siya nga mahatagan gyud og hustisya ni Jane de Leon ang pagdala niini isip Darna. Nakadayeg usab siya sa maayong batasan ni Jane.
Dennis vs. Kit
Si Dennis Trillo ang bida sa episode sa Magpakailanman sa GMA-7 karong Sabado. Kaatbang niini mao ang episode sa Maalaala Mo Kaya nga gibidahan ni Kit Thompson .
JC nagpa-abs
Sa iyang Instagram post , gipakita ni JC de Vera ang iyang abs core workout nga nilungtad og 10 minutos. Suma pa sa aktor nga bisan sa iyang ka-busy dili gyud niya sipyaton ang pagworkout.
Nag-enjoy sa Japan
Samtang wala pa kaayo'y proyekto, nag-enjoy si Enchong Dee sa pagsuroy sa nagkalain-laing dapit. Nitikang si Enchong dili pa lang dugay didto sa Japan.
Sikat sa Singapore
Mikisaw didto sa Singapore ang pangalan sa Pinoy drummer nga si Gilbert Nogales human nakadaog og drum contesr. Nasayran nga kapin sa 500 ang nisalmot sa maong contest. Nakatrabaho na usab niya ang nagkalain-laing artists sa Asya.
Manghod ni Isabella
Gipakita na ni Mariel Rodriguez-Padilla pinaagi sa Instagram ang dagway sa bag-o niya nga gihimugso nga anak nila ni Robin Padilla .“Here she is making her Instagram debut. Btw she looks exactly like Isabella!,” suma pa sa iyang post.
Naka-award og balik
Wala damha sa veteran actress nga si Daria Ramirez nga mapili siya isip Best Supporting Actress sa 37th Luna Awards alang sa pelikulang Signal Rock.. Katapusan siya nga nakadawat og pasidungog niadtong 1981 alang sa pelikulang Aguila sa Gawad Urian Awards.
Asawa ni Matt gisikop
Gisikip sa Makati City Police ang asawa sa aktor nga si Matt Evans nga si Riza Katrina Evans tungod sa kasong estafa.
Suma pa sa report sa PEP, gisikop si Riza niadtong Miyerkules sa hapon .
Gisikop kini pagkahuman og tambong sa hearing sa lain niini nga kaso.
Ang arrest warrant giisyu ni Makati Metropolitan Trial Court (MTC) Branch 66-A Judge Clemente M. Clemente.
Giingong aduna kini kalabotan sa kanhi negosyo ni Riza.
Nganong nitikang si Angel sa Japan?
Natuman na gyud ang pangandoy sa aktres nga si Angel Locsin nga makatan-aw og concert sa banda nga U2.
Nitikang gyud si Angel sa Japan aron lang gyud makakita sa iyang idolo.
Matud pa sa aktres nga nakahilak gyud siya ug nag-ambak ambak atol sa concert tungod sa iyang kalipay.
"Buong buhay kong pinangarap to! Maraming salamat U2. Mahal kita Bono! Naiiyak ako na nagtatalon ako at wala akong matinong video pero nag-enjoy naman ako sa event," suma pa sa IG post ni Angel.
Louise ug BF nag-live in
Giangkon ni Louise delos Reyes nga nag-live in na sila sa iyang non-showbiz boyfriend. Matud pa sa aktres nga usa ka tuig na sila sa nag-live in sa iyang boyfriend nga usa ka architect ug negosyante. Matud pa ni Louise nga praktikal lang siya ilabi na nga wala na siya’y ginikanan ug nagminyo napud ang iyang igsoun.
Giklaro hinoun sa aktres nga wala pa sila’y plano sa iyang uyab nga makabaton og anak.
Ipatigbabaw niya ang panultion nga kasal una sa dili makaanak.
Minzy motrabaho sa Pilipinas
Suwayan sa kanhi 2NE1 member nga si Minzy nga mogama og proyekto sa Pilipinas.
Matud pa nga aduna siya’y kanta ubos sa record label nga gipanag-iya ni Guji Lorenzana.
Nasayran nga nagkatigom na sila si Minzy ug Guji sa miaging adlaw.
Excited na si Minzy nga modalit og mga kanta alang sa iyang Pinoy fans.
- Latest
