Langawon na’ng Kathniel!

Sanden:  Hello mga Kabanatanay , maayong adlaw kaninyong  tanan, akong panghinaot nga naa mo kanunay sa pagmaya ilabi na karong panahona nga nagkaduol na gyud ang Pasko. Dili pa lang dugay, malipayong gipahibalo nila ni Kathryn Bernardo ug Daniel Padilla nga seguradong magmaya ang ilang fans sa subli nila nga panagpares sa usa ka proyekto. Kahinumdoman nga taod-taod nga nahilom ang ilang tandem ilabi na nga gipares si Kathryn kang Alden Richards sa usa ka pelikula nga nagmalampuson sa takilya.  Sa pagbanhaw sa Kathniel sa unang bahin sunod tuig, nagkalain-lain ang reaksyon sa tawo.  ang uban nalipay gumikan kay taod-taod na sila nga gimingaw sa duha, samtang duna pu’y wala kauyon gumikan kay matud pa sum-ol na kaayo ang ilang tandem.   Mao na’y ginaingon, wala’y mabuhat ang mga kritiko sa duha sanglit pagbuot man kini sa ilang network.  Hinuon nasayod ta nga kusog gihapon ang KathNiel, gani nagmalampuson pud ang katapusan nila nga movie nga The Hows of Us.

Yuri:  Helllloooo! Merry Christmas mga KaBANATanay nga pinalangga gyud nato! Ang pinaskohan nako kay ang honest to goodness opinion. Well, kun ako’y pangutan-on kalabot sa  pagbanhaw sa  KathNiel, sorry kaayo sa ilang  fans kay wala nay lami, pan - os, bahaw, baho mura’g lamaw ang maong loveteam. Naa paba silay ika offer nga bag- o? That’s the question. Mao bitaw nga para nako ipadayon nalang pag- partner nila sa laing mga artista aron dunay excitement. Something nga i- look forward sa mga fans. Buhion man gyud na nila, okay, ready na ba sila? Ready ba sila langawon??? Awwww kuyawan.  Akong nahibaw-an ,fan baya kaayo si beshie Jaypee sa KathNiel, nagpaila lang sa iyang ka ewwww.

Jaypee: Olah! Happy Tuesday! Banatay na sab! Ato nang sugdan. As always, hater kaayo ka beshie Yuri. Ako personally, makaingon gyud ko nga mopatok  gyud gihapon ang ilang tandem kay kadaghan na kaayo ni nasuwayan  nga kanunay nga magmalamapuson ang ilang mga proyekto. Usahay  magpakahilom unya  kalit sila mobalik, best in blockbuster man dayun. Mao nang ikaw Yuri, ayaw og react diha kay basta KathNiel, aguy, pangmasa kaayo na ug sila gihapon ang may labing lig-on nga fan base. Naunsa na man ka Yuri? Ka grabe ba nimo manaway uy!

Sanden: Intawon pud ninyong duha, galalis baya ang dili mga guwapa.  Ikaw tita Yurs , maypa  ato na lang atngan  kun unsa nga putahi ang idalit sa duha . Kahibalo ka, bawion raman gud na sa storyline sa ilang proyekto. Dili gyud baya ko fan sa KathNiel, apan nakauyon rapud ko sa katong last nila nga pelikula. Ang labing importante sa tanan, nga makahatag sila og kalingawan sa mga Pinoy.

Yuri:  Yucks! Dili na pangmasa, Jaypee, it’s so baduy! Lahi ang pangmasa sa baduy, day! Kun sila lang gihapon sunod tuig, makaingon gyud ko nga  wala na gyuy  lain? Hoyyyyy! Naay daghan pwede ipares nila. Ngano? Why? Kath can stand on her own, apan Daniel ambot lang unsa ang iyang mugna. Ngano ang network wala gyud nagbuwis -buhay for another partner? Undangi nana uy, dili nana sila cute.

Jaypee:  Omg Yuri. Kun makapagsalita ka ng baduy. Mura gyud ka og kinsa. Baduy ba na nga kusog kaayo sa takilya ang ilang  movie? My headache. Common. Makigpustaanay ko nimo beshie Yuri, itataya ko ang munti kong pangalan. Mopatok gyud ni sila. Alang nako noh, sila ang labing sikat nga loveteam sa tibuok Pilipinas. Backstage nila ang LizQuen ug JaDine. Yuri, sultihan taka, di gyud sila mawagtang sa limelight kay ang tawo, sayud man pod nga real life lovers sila, maong mas kiligon ang mga tawo motan-aw nila sa big screen o sa TV. Ikaw pod Sanden, way labot ang KathNiel kun di ka fan nila. Wa sila magsakit. Pagpares mong Yuri, adto mo puyo sa isla de gato. Na-stress ko ninyo da!