Sen. Cynthia handa na sa OFW Summit

MANILA, Philippines — Hindi talaga nakakalimot ang senador na si Cynthia Villar sa pagtulong sa kapwa. Kamakailan lang ay nag-anunsyo ito ng 9th OFW and Family Summit na taun-taong ginagawa para lamang sa mga OFW at sa pamilya ng mga ito.
Ang nasabing event ay gaganapin sa World Trade Center sa Pasay City sa November 12, at umaasa ang senadora na mapupuno nila ang Hall D ng libu-libong overseas Filipino workers.

“My family and many OFWs always look forward to this event, because it has evolved into an occasion where OFWs and their families gather and interact with private and government institutions for concerns arranging from access to financial services, social benefits, legal assistance, among other,” ani Sen. Cynthia.

Kabuhayan Sa Sariling Bayan ang tema ng summit ngayon taon. Layunin daw nila na maturuan ang mga ito ng tamang paghawak ng pera na magagamit nila sa pagtatayo ng sarili nilang negosyo.

Katuwang ni Sen. Cynthia si Susan ‘Toots’ Ople ng Ople Training Center sa pagbibigay ng mga impormasyong dapat malaman ng mga Pinoy pagdating sa pag-i-invest.

“Aside from teaching our OFWs how to wisely invest their savings and grow their income, napaka-importante rin na ma-educate sila kung paano protektahan ang kanilang perang pinaghirapan mula sa mga human trafficker, illegal recruiter at investment scams,” dagdag pa ni Sen. Cynthia.

Kabilang sa mga dadalo sa summit sina former Senate President Manny Villar, Las Piñas Representative Camille Villar, DPWH Secretary Mark Villar, Pasay City Mayor Imelda Calixto-Rubiano at Department of Trade and Industry Sec. Ramon Lopez.

Para sa mga participant, magkakaroon sila ng pagkakataong mag-uwi ng sariling house and lot mula sa Lessandra ng Camella, dalawang motorsiklo from Isuzu Cavite, pangkabuhayan showcase mula sa All Day Supermarket, appliance showcase from All Home, Xtreme Appliance at marami pang iba.

Samantala, hindi na raw puwedeng sumali ulit ang mga dati nang nanalo ng major prizes, pero maaari pa rin daw silang suwertihin sa minor prizes.

Katuwang ng 9th OFW and Family Summit ang Wowowin, ABS-CBN, GMA-7 International, Net 25 (Eagle Broadcasting), Sonshine TV, UNTV, DZRH, DZXL RMN, DZEC, UNTV Radyo, DZMM, DZBB, Global Pinoy DWIZ, Cristy Per Minute RADYO 5, Bombo Radyo, Crossover, JAM 88.3, K Lite, Magic 89.9, Play 99.5 FM, Wave 89.1, Tiger 22, Wish, Manila Bulletin, Philippine Star, Business Mirror, Bulgar, Pilipino Mirror, Take It Per Minute (Me Ganun) at Pilipino Star Ngayon bilang kanilang media partners.