Bea Rose biktima sa pag-molestiya

CEBU, Philippines – Giangkon ni Miss International 2013 Bea Rose Santiago nga nga nakasinati usab siya  og pagmolestiya niadtong bata pa  siya.

Human nga miulbo ang taho nga adunay mga beauty queen nga nakasinati sa maong panghitabo, wala sab siya magduhaduha nga ibutyag ang iyang kasinatian mahitungod sa maong butang.

Sa iyang Facebook post, gibutyag niya nga niadtong bata pa lang siya, gimolestiya siya sa usa ka pari sa Masbate.

Nakatilaw usab siya og  pagbinastos gikan sa usa ka negosyante  kaniadto kauban ang laing mga beauty queen.

“I was once touched inappropriately by a well-known businessman. This guy is a well-known CEO of a big company (companies pa nga e) he even organized parties for girls who didn’t win with his friend,” matud pa niya.

Padayon pa ni Bea nga dili na direkta nga maka-interact ang maong negosyante ngadto kanila tungod sa maong panghitabo.

“The next time I met him I was a candidate and the organizers were there to see things thoroughly. He couldn’t interact with us because the chairwoman was present and so as the chaperones. - still he was talking nonsense to us,” dugang pa ni  Bea.

Gitug-an sa beauty queen nga  hangtud karon,  nahadlok gihapon siya sa pagsaysay sa maong kasinatian ug nanghinaot siya nga unta dili siya magmahay sa gipabuhagay niya niya nga rebelasyon.