KabKaban Festival 2016

Mabuhay mga KaBisChika! Puno sa kinabuhi ang 2016 Kabkaban Festival niaging semana. Pinaagi sa imbitasyon ni mommy Candice Sandiego Acuña ang Information ug Tourism officer sa maong siyudad. Mapasalamaton kaayo ko nga sa ilang ika- 15 ka tuig sa Kabkaban Festival, usa ko sa mga nisaksi sa ilang pasundayag nga isip pasalamat sa ilang mahal nga Patronees St. Catherine de Alexandria. Ang maong festival wala  lang nagpakita sa ilang pagkarelihiyoso apan usab nagpakita kini sa ilang arts, culture ug history ug labaw sa tanan sa ilang mga lokal nga produkto. Ang Kabkaban Festival naggikan sa pulong nga “Kabkab “, nga usa ka matang sa tanom nga abunda sa maong lugar. Ang Kabkab mao usab ang karaang pangalan sa lungsod. O di ba, best in history ang peg? 

Imong makit-an ang nagkadaiyang mugna sa matag contingent. Karung tuiga usab kay gibalik ni Mayor Nicepuro L. Apura nga mahimo kining contest para mas ganahan ang mga contingents  sa pagsayaw. Adunay nuebe (9) ka entry karung tuiga ug special guest ang Gelacio C. Babao, Sr. Memorial National High School nga adunay tema nga Daang Lungsod. Ang Festival Director nga si Val Sandiego dako kaayo ang kalipay sa partisipasyon sa mga eskwelahan nga naningkamot gyud nga mapakita ang ilang kamaayo. Ang Ritual Showdown gipahigayon sa unang higayon sa New City Center, Carcar City.  Gitapos ang kagabhion sa usa ka hugyaw nga Grand Fireworks Display. Congratulations sa tanang mga winners!!!

Mao kini ang official list of winners to the Kabkaban 2016.

Ritual Showdown:

1st place:  Tuyom National High School 

2nd place: Liburon National High School

3rd place:  Carcar Central National High School

Best in Street Dancing - Carcar Central National High School

Best in Audio Van - Ocaña National High School

Best in Costume - Carcar Central National High School

Best in Andas:

1st place : Roberto E. Sato Memorial National High School

2nd place: Carcar Central National High School

3rd Place: Tuyom National High School

Best Choreographer - Mr. Pegie Cenita (Tuyom National High School)