“Change Has Come”

Ang  ebanghilyu niadtong nilabay nga Domingo, naghisgot kabahin sa lingkuranan nimo kun mutambong ka og party. Gikaingon nga angayan nga adto ka angay mulingkod alang sa mga yanong tawo lamang ug magpaabot gyud nga pabalhinon ka sa tagbalay ngadto sa lingkuranan alang sa mga espesyal nga bisita. Dugang pa nga maka uuwaw kun magbuot-buot ka og lingkod sa lingkuranan sa mga VIP unya diay  to pabalhinun ka  ngadto sa mga lingkuranan sa mga yano kay may miabot nga mas taas pa nimo og luna sa katilingban.

Guilty baya ko. Pero sa una ra. Karon or a year or two ago, dili na. Yes, sa una guilty gyud ko. Demanding ug arogante kay ko sa una. Gusto gyud ko nga tagdon, gusto gyud ko og special treatment. Magpatagad ug magpa alagad gyud ba. Kinahanglan naa gyud ko sa atubangan kun naay mga panagtigom. Kinahanglan nga nindot gyud ko og lingkuran. Basta, I was really feeling high and mighty in the industry some eight years ago. So shameful! Pakkk!

But again, sa una ra gyud to. Kay karon ganahan na ko away from the spotlight. Ganahan ko nga dili ra ko tagdon kun naa party. Okay ra ko bisa’g layo ang lingkuranan. Mauwaw na ko kun hatagan ko og special treatment. Ngidlisan nako kun naay muingon nga idol ko nila or fan nako sila. Basta, I just want to move around without fanfare. Sign of aging? Pakkk!

Dili man sab. It’s just that as we mature, we realize unsa ta ka OA sa una. Realization to the point nga makaingon ka ‘g ka hilas nako sa una uy, so nakakahiya. It’s also a realization nga you will understand how respect is earned and not demanded.  At the same time, makasabot ka nga the world does not revolve around you. Nga dili siya muhunong og tuyok kun mawagtang ka. Uwaw, pero when reality hits you, you will still be grateful. Atleast napakong naka ug nakasabot nga dili maayo imong binuhatan. Nga walay nada imong pagka hambugero kaniadto. Makauwaw! Makaluod! Maka maoy! Pakkk!

Maong kamo dihang mga bag- o pa lang sa industriya, bag-ong nadato  o bag-ong nabulahan padayon lang usa mo diha. Muabot ra ang panahon nga malamdagan mo ug abton mo’g kauwaw sa inyong pagbaton og special treatment or sa inyong panganti nga musikat. That’s life eh. Every stage of life is a learning experience. Kun ganahan kaayo ka’g first row gyud kun naay concert or VIP table gyud kun naay party, muabot ra gyud ang panahon nga ganahan ka magpaluyo na lang or makasabot ka nga mas komportabli diay kun magyaka ka kaysa maglingkud. Muabot ang panahon nga kapuyon ka nga serbisyohan gyud ka og maayo kay ganahan ra ka to work and exist away from public eye! Pakpak!