Sorry, nagwalk out ko

Sa tindera og cellphone diha sa Gaisano Tabunok, pasayloa ko nga wala ko nibalik aron paliton unta ang unit nga akong giganahan niadtong Sabado. Yes, nirampa ko’g Tabunok kay kasal sa among kanhi reporter sa The Freeman nga si Jessa Agua ngadto kang Dr. Alexander Yllanan. Best wishes! Pakpak!

Pagpamauli namo ni Russel Gako, nihapit usa mi sa maong tindahan kay kahion na kaayo ko, mao to nga nakalabay mi sa kioks sa usa ka cellphone brand. Since September pa gyud ko nga nagplano mupalit sa ilang unit kay ganahan kaayo ko sa camera features sa ilang unit. Ganahan man gyud ko magsige’g picture gud, ganahan kaayo ko kuhaan og daghang litrato ang akong dili tanto (meaning, makabibihag gihapon) makabibihag nga dagway! Kun kamo dili ganahan sa akong dagway, problema na na ninyo. Pakkk!

So paglabay nako sa ilang kiosk, hapit na gyud ko makapalit og unit nga tag P8, 000. Pero salamat sa sales lady nga nangutana unsa gyuy akong gamitan sa phone nga akong gitubag og: for taking pictures, lots of pictures.  Pero pag-ihap nako sa akong cash kuwangan man, so nananghid ko nga mulakaw usa aron mag-withdraw. Apan pag-abot nako sa atm booth taas kaayo ang linya. Didto ko nakahunahuna samtang naglinya ug nakapangutana sa akong self: Para unsaon nako ang cellphone? Ang tubag kay: I don’t need that phone at all.

Kana kay kun ang rason gyud nako is to take pictures, dili man sab gyud kabintahaan akong unit bisag upat na ni ka tuig nako. Kun ganahan sab gyud ko og high-end phone, i-renew na lang nako akong post paid plan, naa nay internet daan.

 Hinungdan nga nidiretso na lang ko og pauli. Pero sorry ngadto sa tindera nga akong gipala-um , unya wala diay nako balika. Angayan gyud unta nga gibalik ta ka aron sultihan nga dili na lang ko muhinayon pagpalit. Pero girl nahadlok ko nga ma-convince gyud ko nimo eventually. Mag-ampo na lang ko nga makahalin ka og daghan.

And a week after, nakahunahuna ko, husto ra gyud sab nga wala ko nipalit uy kay mag-save pa more na gyud ko this 2016. Happy New Year dear okRYANians! I love you all! Mhuaah…