Nagbungol gumikan sa AlDub

Hugyaw nga Domingo mga SKB! NaHugyaw ko sa KSI (Kinsa Siya Insider), mahitungod sa usa aktres nga atong makita sa telebisyon karun nga ang pagtuo sa uban gipa “thank you “ doktor ang dughan pero dakong sayop ang tanan kay ang dakong dughan nga atong makita sa aktres dili produkto sa science kun dili gumikan sa usa ka sekreto nga very effective kaayo, ang iyang wonder bra. Yes! Sakto ang inyong nabasahan karun, gumikan sa iyang bra mao dako tan -awon ang iyang boobs kay sigon pa sa atong KSI kining klase nga bra nga gamit sa aktres kay huot kaayo kini sa imong pagsul-ob ug e-push og maayo ang imong boobsie hangtud mura na kini dako tan-awon. Kinsa Siya nga aktres best in wonder bra? Adunay teleserye, dunay tv commercials, actually gikan sa pikas estasyon nibalhin sa laing estasyon ug labaw sa tanan ....happily married!

Speaking of happiness, happy kaayo ang mga Argawanon sa bag-o lang nahuman namo nga variety show kauban ang “Angry Bird Diva” nga si Enerva ug ang Cebu Divettes. Mapasalamaton ang YurEventsAndProductions sa pag-imbitar sa COWASCO - MPC pinaagi sa ilang board chairman nga si Dir. Anecito F. Carillo. Ang kahigayunan nga mapakita, mapaambit sa mga Argawanon ang tagsa tagsa namo ka talento usa kini ka dakong kalipay para kanamo. Usa sa mga NaHugyaw ang game portion nga Pop the Balloon kay ang mga divettes naay tagsa tagsa ka partner, ug ilang pabuthon ang balloon sa nagkadaiyang posisyon. Ang mga singgit halos makabungog, mao nga makaingon ko nga ang singgit ug ang mga pakpak sa mga manan-away sa among gipahigayon nga variety show kay priceless. Daghang salamat usab ni Madam Ludivina Monte, President, ABCI, Director Vicente M. Curme, Member,BOD-Cowasco-MPC ug si Dr. Victor V. Geralde Member, BOD - Cowasco-MPC ug sa tanang staff sa Cowasco!

Kung niaging Domingo kay na share sa inyong Yur’s truly ang lima ka butang nga akong nahibaw-an sa atong Pambansang Bae nga si Alden Richards pwes ayaw ninyo’g sipyata ang iyang Kapuso Fans Day karung October 2, Friday, sa Gaisano Island Mall Mactan mao nga kits! Pero ang nakaHugyaw nga BisChika sa atong Kinsa Siya Insider mahitungod sa duha ka local divas nga nag-away, wala na nagtingog, dili na friend sa facebook tungod lang sa Aldub ug ni Pastillas Girl. Kay si Diva 1 gusto niya ang Aldub sa Eat Bulaga. Si Diva 2 gusto si Aldub ug motan-aw pud siya sa Pastillas Girl sa Showtime. Sa dihang si Diva 2 nag post og comment mahitungod sa Aldub nga wa kauyon si Diva 1. Naabot sa point, nga dili na healthy ang ilang mga comments. Para nako sayang ang ilang friendship kay magkauban sila og mga shows ug amega gyud sila dugay na. Kinsa kining mga local divas? Mga hugyaw mo perform! Naghinaut si Mother Butanding nga ma okey ra ang tanan dahil iisa lang ating lahi, iisa lang ang ating lipi! Bakit di pagmamahal ang alay mo? Peace mga sisters!