Billy maghapon babalandra ang mukha pag Sabado

SCENE: Mula sa presscon ng Celebrity Playtime noong Miyerkules, tumuloy si Billy Crawford sa taping ng Pasion de Amor sa Tagaytay City para sa birthday asalto ng kanyang girlfriend na si Coleen Garcia. Kahapon ang 23rd birthday ni Coleen.

SEEN: May Billy Crawford feast bukas sa television dahil mapapanood siya sa It’s Showtime, Celebrity Playtime, at Your Face Sounds Familiar.

SCENE: Ngayon ang huling gabi sa telebisyon ng Nathaniel ng ABS-CBN. Hindi pa naglalabas ng announcement ang ABS-CBN sa programa na ipapalit sa timeslot ng Nathaniel ngunit sa September 28 ang pilot telecast ng Ang Probinsyano ni Coco Martin.

SEEN: Ngayon ang 49th birthday ni Senator Bong Revilla, Jr. na muling gugunitain sa PNP Custodial Center sa pangalawang pagkakataon ang kanyang kaarawan.

SCENE: Ang Gateway Cineplex sa Araneta Center ang venue ng Quezon City International Pink Film Festival na idaraos sa October 6 hanggang October 11.

SEEN: Nakatakda sa October 18 ang coronation night ng 2015 Miss World Philippines sa Solaire Resort and Casino. Si Miss World 2013 Megan Young ang host ng coronation night na mapapanood sa GMA 7.

SCENE: Ngayon ang huling gabi ni Kris Aquino bilang co-host ni Boy Abunda sa Aquino and Abunda Tonight ng ABS-CBN.