Gasa gikan sa inahan

CEBU, Philippines - Alang ni Kim Chiu, gasa gikan sa nipanaw niya nga inahan nga si Louella Ya-Chiu ang labing bag-o nga nadawat niya nga acting award. Kahinumduman nga gipasidunggan si Kim isip Best Television Drama Actress sa bag-ohay lang gipahigayon nga 3rd EdukCircle Awards.

Diva mitingog na

Tsika pa ni Diva Montelaba dinhi sa Banat News Hugyaw nga dili tinuod ang gipanabi ni Steven Silva nga mao kini ang nangayo og “space” sa ilang relasyon niadto. Suma pa sa Sugbuanong aktres  nga nagkasinabot silang duha nga hunongon ilang relasyon gumikan kay susama sila busy sa tagsa-tagsa nila nga career.

Tinud-anay nga serbisyo

Gipangutana si Sharon Cuneta sa usa niya ka follower sa Twitter kung nalakip ba ang pangalan sa iyang bana nga si kanhi Senador Kiko Pangilinan sa P10-billion pork barrel scam.   Suma pa ni Sharon nga wala nalambigit ang iyang bana sa maong isyu gumikan kay limpyo ang pagpanerbisyo niini sa katawhan.

Rayver gimingaw

Giangkon ni Rayver Cruz nga gimingaw siya sa ilang relasyon niadto ni Cristine Reyes. Mahinumduman kini permi ni Rayver sa higayon nga himuon nila ang eksena nilang duha ni Cristine sa seryeng Bukas Na Lang Kita Mamahalin. Apan giklaro sa aktor nga wala kini malisya.

Ikaw na Eugene!

Gibalibaran ni Eugene Dominggo ang usa ka serye nga gitanyag sa GMA-7 kaniya.  Giingong dili na kini madala sa komedyanteng aktres gumikan sa kadaghang proyekto niini sulod karong tuiga.

Todo bakasyon dili madayon

Gibutyag ni Gloria Romero nga mobakasyon unta siya og pipila ka buwan sa Amerika apan  dili madayon gumikan sa pagkalakip niya sa seryeng Akin Pa Rin ang Bukas . Suma pa ni Gloria nga sa dihang nasuta niya nga si Laurice Guillen maoy direktor niini, wala siya gaduha-duha sa pagdawat sa maong proyekto.

Kiwaw

Wala mopatim-aw sila si Vic Sotto ug Pauline Luna sa birthday party sa anak ni Pia Guanio sa niaging adlaw. Nanunga kasagaran sa maong party ang ubang hosts sa Eat Bulaga.  Kanhi uyab ni Vic si Pia busa kiwaw alang kaniya nga motungha sa maong party ilabi na nga uyab pa gyud sila ni Pauleen nga kauban ra usab nila sa EB.