Top 3 Showdown, Nicole Scherzinger at 50 Cent sa American Idol ngayong linggo!
MANILA, Philippines - Matapos mabilang ang mahigit 72 million viewer votes noong nakaraang linggo, nakilala na ang Top 3 ng Season 10 ng American Idol – ang country singer na si Scotty McCreery, audition frontrunner na si Lauren Alaina, at ang belter na si Haley Reinhart.
Ngayong Huwebes, 6:00 pm, sa GMA News TV Channel 11, panoorin ang pinaka-aabangang showdown nina Lauren, Scotty at Haley. Tatlo ang aawitin ng Top 3 – isang kanta na pinili ng mga jud- ges, isang kanta na pinili ni in-house mentor Jimmy Lovine at isa na pinili mismo ng mga finalist.
Ipapakita rin ngayong Huwebes ang ‘di makakalimutang pagbabalik ng Top 3 sa kanilang mga hometown. Umuwi si Scotty sa Garner, North Carolina; si Haley naman ay bumalik sa Wheeling, Illinois at si Lauren naman ay sa Chattanooga, Tennessee na kamakailan lang ay nasalanta ng tornado.
Sa Biyernes naman ang results night kung saan bibida sina guest performers Nicole Scherzinger at rapper 50 Cent sa IDOL stage. Guest performers din ang Italian trio Il Volo na aawit ng O Sole Mio.
At siyempre, ngayong Biyernes din malalaman kung sino ang maghaharap sa finale ng AI! Scotty. Lauren. Haley. Sino sa kanila ang papasok sa finale?
Huwag palalampasin – performance night ngayong Huwebes, 6:00 p.m. (may same day replay ng 10:00 p.m.) at results night ngayong Biyernes, 6:00 p.m. (may same day replay ng 10:00 pm) – sa GMA News TV Channel 11!
- Latest
