Bagong commercial ni Sharon naging comedy!

SEEN : Ang statement ni Aiko Melendez na hindi niya ugali na manira ng ibang tao at ang footage na hawak ng Dokumentado ng TV5 habang tinatalakan niya ang mga kalaban sa pulitika noong 2010 elections.

SCENE : Ang balita na magkakaroon ng pag-uusap sa pagitan ng ABS-CBN at pamilya ni AJ Perez dahil namatay ang aktor sa oras ng trabaho niya bilang talent ng Kapamilya network.

Kagagaling lang ni AJ sa show ng Kapamilya Caravan sa Dagupan City nang maganap ang aksidente na kumitil sa kanyang buhay.

SEEN : Ngayong gabi ang airing ng huling guesting at TV appearance ni AJ sa Maalaala Mo Kaya. 

SCENE : Nag-resign kahapon si Merceditas Gutierrez bilang Ombudsman.

Hindi na magagamit ng mga senador ang mga robe na ipinagawa para sa impeachment hearing na nakatakda sana sa May 9.

SEEN : Si Liz Uy ang stylist ni Shalani Soledad sa cover pictorial nito para sa Preview magazine.

Mas maganda si Shalani kesa kay Liz.

SCENE : Ang Tweetbiz reporter na si Danzen Santos ang ka-bonding ni Solenn Heussaff sa Boracay noong Holy Week.

Si Danzen ang napagbibintangan na source ng balita na binitbit si Solenn ng mga kasamang lalaki dahil sa sobrang kalasingan.

SEEN : Comedy ang bagong TV commercial ni Sharon Cuneta na nagpapakita sa kanya na kumakain ng maanghang na noodles habang nakatapat siya sa mga electric fan.

SCENE : Live na mapapanood ngayon mula sa Lingayen, Pangasinan ang Happy Yipee Yehey.

Magiging co-host na si Pokwang ng Happy Yipee Yehey.