Efren makauban ang Hollywood stars
CEBU, Philippines - Motambong si Efren Peñaflorida sa CNN Heroes: An All Star Tribute event nga ipahigayon karung Nobiyembre 25. Suma pa sa balita sa PEP, sila si Bon Jovi, Halle Berry, Demi Moore, Eva Longoria Parker, LL Cool J ug Renee Zellweger ang mga celebrities nga gikatakda nga motambong pud sa seremonya nga ipahigayon sa Shrine Auditorium sa Los Angeles, California.
K regular na sa PWNW!
Balik trabaho na si Pokwang sa Pilipinas Win Na Win. Pero ang dakong surprise, naa gihapon si K Brosas sa noontime show nga mihulip ni Poky dihang milarga kini. Si K na mismo ang mitino nga regular na siya sa maong show. Suma pa sa kolumnista sa Pang-Masa Vinia Vivar duna matud pay request ang mga viewers sa nasud ug ang TFC subscribers nga himuong regular na si K sa noontime show.
Lihay gyud!
No comment gyud sila si Bea Alonzo ug Gerald Anderson sa ilang paghibalik dinhi sa nasud gikan sa London diin didto sila giingong nagbuwag, atol sa concert tour sa Heartthrobs. Si Gerald perting lihay sa isyu sa airport pa lang, samtang si Bea pinaagi sa iyang road manager, mibalibad gyud nga ma-interview.
Vibrator ang bulahan
Giangkon sa Mocha Girls nga sila si Mocha, Jhane ug Mae ang paggamit nila og vibrator. Matud sa tulo ngadto sa kolumnista sa Pang-Masa Vinia Vivar usa kini ka pamaagi aron healthy ang imong sex life with or without partner. Proud ang tulo sa pag-angkon nga mugamit sila og vibrator kaysa mangita pa matud pa sila og laki, sanglit wala man silay boyfriends.
Asar Talo usbon
Gikataho nga dunay gamay nga kausaban dili madugay sa game show nga Asar Talo sa GMA-7 aron hingpit nga mahugyaw ang ilang mga viewers. Samtang napuno sa mga pagdayeg gikan sa mga viewers ang host sa maong show nga si Edu Manzano gumikan kay matud pa natural kaayo modalit og komedya ang aktor.
- Latest
