Kapamilya, Kapuso stars naghiusa

CEBU, Philippines - Isip halad sa ilang mga Cebuano fans, naghiusa karon ang nag-unang mga Kapamilya ug Kapuso heartthrobs, ug gipadaplin una ang nagkainit nga TV rivalry alang sa usa ka “friendship all-star celebrity basketball” exhibition karong Pebrero 13, 2010, diha sa Bogo City Sports Complex.

Gihatod sa Giancarlo Oporto-Largo Production, uban sa pag-abag sa CV&L ug Entertainment League Nation Productions, ang Kapamilya-Kapuso All-Star gilangkuban sa mga ABS-CBN hunks nga sila si Xian Lim (Rubi); Aaron Villaflor (Boystown); Manuel Chua (Pinoy Fear Factor); Marvin Raymundo (ASAP Coverboys); Jose Sarsola (Pinoy Fear Factor); Archie Alemania (May Bukas Pa); Joem Bascon (Habang May Buhay) ug GMA dudes nga sila si JC Tiuseco (Pinoy Sole Survivor); Marco Alcaraz (Rosalinda); ug Joross Gamboa (First Time). Maoy mokompleto sa lineup ang duha ka UAAP top players.

Ang hiniusang celebrity team makigrambol batok sa Bogo City Kings, human sa preliminary games sa grupo ni Cong. Tining Martinez batok sa CBBC Wolves. Ikaduha kining higayon nga mi-host ang siyudad sa Bogo og usa ka all-star celebrity-basketball exhibition diin ang una nahitabo niadtong Mayo 24, 2008.

Ang mga ticket mapalit sa tag-500 (VIP), 300 (upperbox), ug 150 (general admission) ning mosunod nga mga dapit: R&F Fashion House and Pharmacy, Bogo Cycle Center, Bogo City Treasurer’s Office, Japers Hangout, St, Vincent Purified Drinking Water, Nailon Beach Resort, ug CRMC.

Ang Kapamilya-Kapuso All-Star game gipaluyohan sa Banat News, Globe, San Remegio Beach Club, SBBA, Nailon Beach Resort, Nature’s Spring, Express Movers Courier, Jollibee, Bogo City Council, DYCM, Radyo Natin-Bogo, ug Psalmstre. Alang sa dugang kasayoran, tawag o text sa 09233517598 og 09326321842.

Bongga ka Lovi!

Gisaulog kagahapon ni Lovi Poe ang iyang adlaw nga natawhan ug matud pa usa ka diamond nga ariyos ang nadawat niya nga regalo gikan sa iyang rumored boyfriend nga si Ronald Singson.