Jomari ug Aiko subling mag-uban sa pelikula

CEBU, Philippines – Balik tambalan na pud sa pelikula ang kanhi magtiayon nga sila si Aiko Melendez ug Jomari Yllana pinaagi sa pelikulang Spoiled Brat (Whatever Yaya) nga gibidahan nila ni Ogie Alcasid ug Michael V. under APT Entertainment ug GMA Films. Matud pa ni Aiko nga komportable kaayo siya nga ikatrabaho ang kanhi niya hinigugma diin sila maoy modala isip mga ginikanan ni Angelina. “Okey naman! Comfortable akong katrabaho si Jom, no bad blood between us at ang maganda, kahit matagal kaming ‘di nagkatrabaho, ayos pa rin kami,” matod pa ni Aiko.

Gituohan nga ikalipay sa anak nila ni Aiko ug Jomari nga si Andrei Yllana ang panag-uban sa iyang ginikanan sa usa ka proyekto. Samtang nakilig si Jomari sa lenggua ni Aiko nga okay ra niini kung duna sila’y love scene sa maong pelikula.

Katapusang nag-uban ang duha sa pelikulang Kahit Kailan niadtong 1997. (Sanden J. Anadia)