Bitoy gilamoy sa MMK ni Angel
CEBU, Philippines – Nasorpresa ug nalipay si Angel Locsin tungod sa labihan ka taas nga rating sa Maaalala Mo Kaya episode diin siya maoy bida niadtong Sabado sa gabii. Ang NUTAM rating nagpakita nga mihipos kini og 37.7% vs. 20% Bitoy’s Funniest Videos, sa tibuok nasud.
Market value ni Rich 50/50
Hoping ang mga fans ni Rich Asuncion nga makadaog siya og korona sa Bb. Pilipinas ’09 karong Sabado. Kini tungod kay kung makoronahan siya motaas na ang iyang market value ug dili na siya one of those stars lang.
Abby kinahanglan modaog
Dunay pressure karon para ni Abby Cruz nga uyab ni Paolo Bediones. Apil si Abby sa Bb. Pilipinas ’09 ug matud sa mga himantayon kinahanglan makoronahan na gyud siya tungod kay nahimo na gud siyang runner-up kaniadto ni Teresa Licaros. Hinuon, matud sa beteranang kolumnista sa PangMasa manay Lolit Solis win or lose, winner si Abby sa kasingkasing ni Paolo.
Bea nanambok na
Dunay nag-email ngadto ni manay Lolit Solis nga fan ni Bea Alonzo nga nagbase sa Hongkong ug matud pa niini panahon na para mukonsulta ang aktres kang Dra. Vicki Belo kay nanambok na kini, base sa iyang nakita sa Betty La Fea.
Fans nila ni Joey ug Willie, alive na alive
Alive na alive ang PSN forum karong panahona. Kini tungod kay nabanhaw na pud ang away nila ni Joey de Leon ug Willie Revillame, diin nagbinayloay na pod sila og mga negatibong pamahayag niining bag-o lang. Pero matud pa sa beteranang si manay Lolit Solis, bisan unsay mahitabo ang duruha ra gihapon ang mabulahan sa ilang career ug sa ilang show….Ryan Mark
- Latest
