Geoff mulugwa sa Obra?

CEBU, Philippines -  Mulugwa matud pa si Geoff Eigenman sa GMA-7 para sa second season sa “Obra.” Siya maoy hulip sa role unta ni Jason Abalos, kinsa napiit ron sa, wala pagkasinabot sa iyang kampo ug sa Kapuso network si kinsa gidungog nga mobalhin sa ABS-CBN sunod buwan, apan dili makahimo niini tungod sa “option to renew clause” sa iyang kontrata….

Regine bilib ni Binoe

Bilib si Regine Velasquez ngadto kang Robin Padilla gumikan kay dako kaayo kini og respeto sa mga kaubanan sa trabaho niini sa set saTotoy Bato. Matud pa niya nga wala siya nagduha-duha sa pagdawat sa tanyag niadto nga mahimo siya nga leading lady ni Robin kay nakahibalo na siya sa maayong kinaiya niini.

Rufa Mae gipaabot

Daghan ang nagpaabot sa reaction ni Rufa Mae Quinto sa pamahayag ni Dra. Vicki Belo nga duna gyuy relasyon sila si Hayden Kho ug Rufa Mae. Tua pa sa US si Rufa Mae alang sa series of shows.

Valerie gimingaw og heavy drama

Gimingaw na si Valerie Concepcion og heavy acting. Hinuon tsika sa PangMasa nga dunay daghang offers si Val, pero dili gyud niya madawat tungod kay dili siya buot maapektuhan ang Wowowee.

Jolina wala magkina-hanglan og bf

Nagpadayon ang komunikasyon nila ni Jolina Magdangal ug Bebong Munoz sukad sila nagbuwag.Giklaro niya nga wala siya nanginahanglan og bag-ong boyfriend aron mas makalimtan niya ang iyang mga dautang kasinatian sa gugma. Samtang iya usab nga gikataw-an ang pagka-link niya pagbalik sa kanhi niya ka-loveteam nga si Marvin Agustin.

Katrina no to love life!

Gisugdan na ni Katrina Halili ang usa ka   episode sa Dear Friends kung diin iyang maka-partner si Alfred Vargas. Gawas niini nagbaha usab ang mga laing proyekto sa aktres. Mapasalamaton si Kat nga bisan pa man sa kontrobersiya tali niya ug ni Hayden Kho, padayon siyang gigrasyahan, busa magseryoso na gyud siya sa iyang career ug wala lang unay love life. Matud pa niya, wala sila magbuwag ni Kris Lawrence kay wala man silay giangkon nga uyab sila.

Ogie “Darling” ni Juday

Human sa Ploning, “Darling” na pod ang title sa sunod nga movie ni Judy Ann Santos, ubos na kini sa Regal Entertainment. Si Ogie Alcasid ang iyang leading man, ug si Regine Velasquez matud pa maoy nagmugna sa istorya. Ang bestfriend niya nga si Dante Nico Garcia maoy director.

Kissing scenes sa YCML, misteryoso

Padayong tak-om sila si John Lloyd Cruz ug Sarah Geronimo kun unsa ka hugyaw ang ilang kissing scenes sa “You Changed My Life” nga mubukas karong adlawa sa mga sinehan lukop nasud. “Yun yung magic ng pelikula, ayaw naming ibigay lahat ngayon. Parang yun lang ang laging hinahanap, e. Parang yun lang ang tanging magiging manifestation na effective yung pelikula. Wag naman kasi ang dami pang ibang factors, ang dami pang pwedeng ibigay bukod sa isang halik,” tsika pa ni John Lloyd ngadto sa press.