Lolit gibuking si Paolo

Sayop ang pagtoo nga dili boto si Manay Lolit Solis kang Lian Paz nga mamahimong girlfriend ni Paolo Contis. Gibalik-balik niya og sulti nga wala gayud siya manginlabot sa lovelife sa iyang alaga.Matud pa nga gihatagan og malisya sa uban ang gipangbungat niya sa Startalk niadtong miaging Sabado. Say pa sa beteranang kolumnista sa PangMasa nga si Manay Lolit nga dili sala kung i-share unsa ang iyang gikahibulongan kay mahinumdoman nga nagpadala kaniya sila si Lian ug Jeff Tan og moon cake niadtong Oktubre 2008 dayon sila na si EB Babe Lian ug Paolo pag November 2008. Dungag pa niya nga wala siya’y katungod nga mobabag sa kalipay sa ubang tawo tungod kay nakita niya nga nahigugma og maayo si Paolo kang Lian ug nakita kini niya sa mga lihok sa aktor.

KC UG Richard balik Manila na

Mibalik na kagahapon gikan sa Palawan ang cast sa When I Met U. Nag-enjoy og shooting sulod sa pila ka adlaw ang mga cast sanglit pwerteng nindota sa maong lugar. Matud ni Manay Lolit, nakagusto pagmaayo si KC Concepcion sa Palawan ug mamahimo na kining spokesperson sa Department of Tourism. Pwerte niining kombinser sa mga naka-estorya nga bisitahon ang Palawan sanglit makita didto ang labing nindot nga beach sa tibuok kalibotan. (Erveliza B. Colipapa, UV Journalism Intern)

Anne ug Sam nagbalik na?

Gidudahan nga nagbalik na sila si Anne Curtis ug Sam Milby human sila masigpati nga sweet kaayo sa usag-usa atol sa farewell party sa Dyosa niining bag-o lang. Si direk Wenn Deramas mismo maoy mibuking nga naghawkanay pa sila si Anne ug Sam. “Ay, sobrang sweet. Grabe! Basta ang sweet nila,” buking ni Deramas.   (Erveliza B. Colipapa, UV Journalism Intern)