Gerald ug Jake naglisud sa military training

Bisan pa og pwerting tugnawa sa temperatura sa Baguio, giadto gyud sa Tayong Dalawa cast and production ang lugar para mag-taping didto.

Sa PMA (Philippine Military Association) Baguio gihimo ang pipila sa mga scenes sa Tayong Dalawa. Modala isip mga men in uniform silang Jake Cuenca ug Gerald Anderson.

Dili dali ang ilang karakter. Ultimo lihok nila kay limitado tungod kay sagrado para sa mga PMA-ers ang ilang uniporme. Bawal kining makum-ot. Dili sila pwedeng magbinuang o mosiyaget kung walay hinungdan kung sul-ob nila ang uniform.

“Sobrang sikip pero kailangan,” tsika pa ni Gerald ngadto sa PangMasa kabahin sa iyang uniporme.

Matud pa sa usa ka PMA official nga nag-facilitate sa mga eksena, mao kini ang labing dako ug labing lisud nga taping/shooting.

Medyo nalisuran silang Jake ug Gerald sa eksena nila kay walay CAT experience ang duha ka young actors. Pero sa tabang sa pipila ka mga PMA officials nakaya nila ang mga lisud nga eksena.

Bag-ong look pod ang inyong makita nilang Jake ug Gerald. Naka-crew cut ang dalawa para nawong og kadete gyud sila.

Hapit nang ipasalida ang nahisgutang serye sa primetime sa ABS-CBN.

Ogie napuno sa pagdayeg

Wala pa gani gipasalida ang Desperadas 2 lutaw na gyud kaayo ang pagdala ni Ogie Alcasid isip Luga Luda, ang half-sister sa upat ka managsuon nga desperadas.

Mismong ang mga female co-stars na niyang silang Ruffa Gutierrez, Rufa Mae Quinto, Iza Calzado ug Marian Rivera maoy misulti nga tinuoray gyud nga nag-shine og maayo si Ogie sa ilang pelikula.

Binuang pa gani nila, natalbugan pa sa singer/comedian ang upat ka bida.

“Eh sa lumutang siya, ano ang magagawa ko. Proud naman ako and happy dahil kaibigan ko naman siya,” sey ni Rufa Mae.

Matud pod ni Ruffa G., “May kanya-kanya naman kaming highlights dito. Baka sila, nagpatalbog, ako hindi,” matud pa ni Rufa apan dugang pa niya, “Pero hindi, napakahusay talaga ni Ogie rito. You know, he really deserves all the success and lahat ng papuri. Kasi talagang 200% ang ibinigay niya sa role niya. Nag-shave pa yata siya ng arms, lahat shinave niya, kaya girl talaga siya. Pati ‘yung nails, and everything, pati boobs, so talagang in-all-out niya talaga yung character niya. Bilib ako sa kanya, I’m very happy na kasama namin siya rito sa Desperadas 2.”

Si Marian naman, walay problema kung natalbugan man sila kay maayo man gyud tinuoray ang portrayal ni Ogie.

Siyempre, flattered si Ogie sa mga nadungog ug dili gyud katingalahan kung sa mga umaabot nga panahon kay i-career na niini ang role nga babae.

Kinabuhi ni Didith himuan og pelikula

Nahinabi sa PangMasa ang only son ni Didith Reyes sa haya sa nauwahi sa Mt. Carmel church.

Nahisgutan niini nga adunay mga nag-offer kaniya nga himuong pelikula ang kinabuhi sa iyang inahan.

Gipapangutana pa niya kung okay ba nga ihatag kini sa usa ka producer nga digital film ang himuong project para sa very colorful life sa mipanaw nga singer.

Sey pod sa mga tabian, sa kanindot sa kinabuhi ni Didith dapat ma-produce kini sa 35 mm. o sa regular film gyud. Usa pa kung sa digital film lang niya ihatag ang rights, gamay ra ang ihatag nga renumeration o bayad kaniya….Marigold P. Lebumfacil

Simply not her luck: Nindot ang mga reviews ni Bb. Pilipinas-World Danielle Castano sa iyang pag-abot sa Johannesburg, Africa, apan wala gyud siya manimaho sa gipahigayon nga Miss World pageant niadtong Sabado. Pero sigurado nga pistahan si Danielle niining “hot” niya nga hulagway para kalendaryo sa Matador Brandy.