Young actor nagko-call boy na lang

Walang kaalam-alam ang young superstar na si Judy Ann Santos na marami  ang nagagalit sa kanya ngayon lalo na ang Volunteers Against Crime and Corruption o VACC dahil sa kanyang Meralco ad kung saan ay ipinapaliwanag niya ang tungkol sa systems loss charges na ipinapataw buwan-buwan sa mga consumers.

Kasalukuyang nasa Europe si Juday kasama ang nobyong si Ryan Agoncillo at sa Hunyo 28 pa umano ang balik nito.

Si Juday ay isa sa pinaka-in-demand na celebrity endorser at ang Meralco ad ay isa lamang sa marami niyang endorsements.

Samantala, sa pagbabalik ng magnobyo ay doon lamang malalaman kung tuloy ang kanilang respective projects sa bakuran ng ABS-CBN.

Si Juday ay magkakaroon ng bagong teleserye na pagtatambalan nila ni Derek Ramsay.

* * *

Ang Malaysian actress na si Carmen Soo at kapareha ni Jericho Rosales sa isang Malaysian TV series, ang A Time For Us ang itinuturong dahilan ng break-up nina Jericho at girlfriend nitong si Heart Evangelista.

Si Albert Martinez na isa sa mga tampok na bituin sa nasabing serye ang makakapagpatunay na wala umanong katotohanan na may relasyon si Jericho sa Malaysian leading-lady nito. Katunayan, naapektuhan umano nang husto si Jericho sa break-up nila ni Heart.

Kung si Jericho lamang ang masusunod, gusto nitong magkaayos pa sila ni Heart pero mukhang isinara na ng huli ang posibilidad na muli silang magkabalikan.

Samantala, kung matutuloy ang plano ng ABS-CBN na muling itambal si Jericho sa isa pa niyang ex-girlfriend na si Kristine Hermosa, magkakatu­lungan silang dalawa at posible pang magkabalikang muli dahil split na rin si Kristine sa nobyo nitong si Diether Ocampo. Parehong mending a broken heart sina Jericho at Kristine sa kasalukuyan kaya posibleng ma-rekindle ang kanilang relasyon laluna kung sila’y muling magkakasama sa isang proyekto na matagal-tagal na rin. Kung Maalaala Mo Lang Kaya ang kanilang tambalan, malayo silang magkabalikan.

* * *

Masuwerte ang talent manager na si Popoy Cari­tativo dahil patuloy na umaariba ang dalawa niyang mga alaga na sina Marian Rivera at Dennis Trillo sa bakuran ng GMA 7. Patuloy na humahataw si Marian sa kanyang bagong fantaserye na Dyesebel at malapit namang simulan ni Dennis ang Gagambino na siya mismo ang pangunahing bituin.

May something in common din sina Marian at Dennis, ang pagiging target ng kontrobersiya. Pati nga si Popoy ay nadadawit na rin sa mga intriga na kesyo nag-iba na raw ito ng ugali. How true?

* * *

Inactive ngayon ang dating young actor na build-upstar ng isang malaking kumpanya. Inactive in the sense dahil matagal-tagal na rin siyang walang proyekto, mapa-pelikula o telebisyon man. In short, wala siyang pinagkakaabalahan. 

Pero dahil sa kanyang personal na pangangailangan, napilitan siyang gumawa ng isang bagay na hindi niya inaasahan, ang maging isang CB o call boy. Tambay umano ang dating young actor na ito sa mga bar kung saan siya nami-mik-ap ng kanyang mga ‘kliyente’.

* * *

Sikat na sikat ngayon ang isang young actor na nagmula sa isang talent search. Pero bago siya sumali sa talent search ay meron siyang milyonaryong gay benefactor. Kaya huwag magsisinungaling ang sikat ng young actor na ito na wala pa siyang experience sa bading.

* * *

[email protected]