^

PSN Showbiz

Bandang Phylum ug ang ilang bag-ong album

-

Sa pagsulbong sa maayong imahe sa Bisaya Rock, nakasakay ang bandang Phylum nga mihatag og nindot nga bulok sa industriya. Gani hangtud karon, nagpabilin gihapon sa pagsidlak ang ilahang mga bitoon nga naghatod kanila sa di mabang-bang nga pangan isip usa sa mga malampusong banda diri sa Sugbu.

Atong ila-ilahon pagbalik ang mga astig nga miyembro sa Phylum. Ang cool nga naggunit sa rhythm guitars – Ariel “Junald” Corcuera, ang tighapak sa drums – Josephus “Jojo” Talledo, ang tig-utingkay sa makabungog nga bass guitars – Anthony Talledo, ang nagkuting-kuting sa lead guitars – Charleston “Ton-ton” Miparanum ug ang nagkupot sa microphone, ang tingog sa Phylum - Ian Raye Biñan. Mao kining lima ka mga batan-ong nagkatapok tungod sa usa ka tumong nga mobuhat og maayo nga musika.

Phylum Prodigals ang unang pangalan sa ilang grupo apan kay taas man, ilaha nalang kining gimubo ngadto sa Phylum. Matod nila naporma ang ilang banda tungod kay ilang gi-consider ilang mga kaugalingon nga mga suwail sa mga ginikanan. Sa wala pa sila sa banda, usa niana ka adlaw, samtang padung layas kunuhay si Ton-ton sa ilahang balay, iyang nasugatan si Ian nga masulob-on sab kaayo og dagway. Pagkahuman, nagtagay-tagay sila, nagka-jam, nagkanta-kanta, hangtod nga nagkasabot silang magtukod og banda. Diha puy usa ka higayon nga niapil og singing contest si Ian sa ilahang lugar, unya on the spot rapud siyang giduyogan ni Ton-ton, kay lagi wala nakapraktis og tarong, nagkabuang na noon ang ilang presentasyon ug wala jud siya kadaog sa maong pakontest. Pero naa may ikabuga ang tingog ni Ian, ug dili pud basta-basta ang talento ni Ton-ton sa gitara, nipadayon sila sa ilang pangandoy nga mobuhat og banda. Gi-agni pud ni Ton-ton ang iyang mga agaw nga silang Anthony ug Jojo nga hanas kaayo sa mga instrumento, ug gikuha pud niya si Junald kay dugay nasad silang kaila tungod kay anak man kini sa iyang maestro sa una. Ang ilang mga influences mao ang banda nga The Calling, Matchbox 20 ug ang Missing Filemon nga silingan nila nga taga Pinamungajan, nga pioneering sa mga Bisrock bands.

Ang unang mga pagsuway sa banda mao nga magkasumpaki gayod sila sa mga arrangement sa mga songs, apan wala sila padaog sa  ilang ginagmay’ng kakulian kay bisan og magkalalis sila sa mga butang musika, mawala ra kini dayon tungod sa ilang dugay na nga pinagsamahan, ilabi na sa manag-agaw, ug mao kini nagtukmod nga nagmalig-on ang ilang banda. Nisamot na karon ang ilahang pag-inunungay sa usag-usa kay ila raman giisip nga ang pagpanukar, usa ka “pleasure” nga ilang labing ganahan.

Ning tagsulat nangutana kanila, unsay ilahang “charms” ug nganong hangtud karon nanalingsing ang ilang banda bisan pa nga nihinay ang kainit sa Bisrock karong panahona. “Mga baga man gud mi’g nawong”, pung pa ni Ton-ton ug inubanan sa dakong bahakhak ni Ian. “Siguro pud, kay bisan asa mi makaabot, kay mosabay raman mi sa mga naminaw namo, pareha rajud gihapon mi sa una, walay nausab... Magtagay ra gihapon mi, tambay-tambay, tapok-tapok sa among mga oras nga wala mi gig or bookings”, dugang pang Ian.

Wala nila gi-launch ang ilang 1st album nga title og “Time Machine”. Aduna kini 10 ka tracks inubanan sa carrier single nga “Palagot sa Contra”. Ang nag compo aning kantaha kay sila si Ton-ton ug Ian, ug dili pud ikalimod nga diri nagsugod ang ilang kasikat. “Inamaw raman na namo nga compose katong mga times sa una nga magkatagay mi”, matud pa ni Ton-ton. “Kato sa’ng mokanta ko inubanan sa duyog ni Ton-ton kay nag rhyme2x rapud kog mga words so mao to, among nabuhatan og sakto na nga lyrics hangtud nga nahimo namo ni nga single”, puno ni Ian.

Para nila ang  labing unang dakong achievement mao ang paglunsad sa ilang 1st anniversary diha sa Mactan Gym niadtong September 30, 2006 sa siyudad sa Lapu-lapu. Kay wala sila nagtuo nga ing-ato ka malampuson ang ilahang pasundayag plus daghan pa gayod og mga tawo nga nisuporta nila atong gabhiona. Ug usa sad didto nadiskobre ni Mark Maceda, ang ilang manager before, nga ing-ato diay ang crowd sa Bisrock ilabi na sa bandang Phylum. Sukad ato gikoptan sila ni Mark ug nakapalanog gayod sila sa ilang mga nisunod nga mga komposisyon.

Dili na maihap ang mga gigs nila sa nagkalain-laing parte sa Cebu ug hasta usab sa Leyte, Bohol ug Negros. Dili nila makalimtan tanan nga lugar nga ilang gitokaran kay sa madako ug magamay nga gigs, gihatagan nila kini og bili. Mao nga bisan asa sila dad-on sa ilang musika, dako ang ilahang paghangop niini, ug bisan paman siguro molupad ang ilang mga talento sa kaulohan ug mopuno sa mga astig nga banda sa tibuok Pilipinas. Gani, nagpakita na kini sila sa ilahang abilidad sa National TV niadtong March 2008 episode sa Kapuso Mo, Jessica Soho GMA- ug tungod ato daghan ang nibilib kanila kay girepresentar nila ang tingog sa mga bandang Bisaya diri sa Sugbu ug sa Kabisay-an.

Ang ilahang 2nd album gilunsad na niadtong miaging Sabado, March 29, 2008 sa Talisay Gym sa siyudad sa Talisay, nga gikuyogan sa mga daghang Bisrock bands sama sa Wetslipperz, Abscond, Stonestomp, Jimmycycle, Corrosion ug uban pa. Giulohan ang ilang 2nd album og “Re-invented” nga adunay 16 tracks with carrier single nga “Wa Damha” nga gihimong official soundtrack sa Saranghe nga teleseries sa ABS-CBN Cebu, Wanted Pangga ug Scandal. Sa ganahan mopalit teksi lang si Ton-ton niining numeroha 0927-8113311 nga tag 200php lang. Pwede sad ninyo mabisita ang website nila, nga mao ang phylum.brinkster.net, para sa mga dugang impormasyon ug latest nila nga mga pictures ug schedule sa ilang mga gigs.

Dako ang ilang pasalamat una ni Lord, sa kanunay’ng paghatag sa mga grasya, sa Mother Earth, sa ilahang mga ginikanan nga nisuporta gayod kanila sukad sa sinugdanan, sa mga tawo nga ilang pinalangga nga nilabay na ug sa buot pang molabay, sa mga Bisrockers ug sa mga mahigugmaon sa musika, ug sa tanang staff sa MOR 97.1 Lupig Sila, ABS-CBN Cebu.

IAN

ILANG

KAY

PLACE

TON

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with