Hubo nga Kris Aquino

Hubo nga mga hulagway ni Kris Aquino ang gipangita sa kadaghanan sa Internet. Nakoykoyan sa Banat Hugyaw nga kasagaran sa keyword nga gibutang sa mga nangita niini nga mga hulagway mao ang “Kris Aquino Naked,” sa google man o sa yahoo search engine.

Pero sorry na lang kay wala gyuy  hubo o mga eskandaloso nga mga litrato ni Kris ang makita sa Internet.

Suma pa ang labing sexy apan sosy nga hulagway ni Kris nga mogawas diha sa mga search engines mao ang iyang gihimo nga pictorial sa Greece duha na ka tuig ang milabay. Alang kadto sa publicity niya isip endorser sa Bench.

Samtang gidungog nga ang umaabot nga lifestyle show ni Kris sa ABS-CBN paga-ulohan unya og “Weekends With Kris.” Dominggo matud pa ang giingong time slot unya niini.

Kahinumduman nga mibiya si Kris sa The Buzz matag Dominggo tungod kay matud niya ‘family day” kini nga adlaw. Apan nasuta nga sa napirmahan niini nga kontrata, nabutang nga kinahanglan tulo ang iyang shows sa network.

Pwes ang rason ni Kris, okay ra nga dungagan siya og usa pa ka show tungod kay mahimo man siya nga mag-taping gikan sa Lunes hangtud sa Biyernes, niining paagiha, ang Sabado ug Dominggo masaw-an niya sa iyang pamilya.

Pagkakaron duha ang shows ni Kris——Kapamilya Deal or No Deal ug Boy and Kris.

Hugyaw “Food for the Brain”

Final na! Ang Spanish word nga “telenovela” nalakip sa 100 new words nga nadugang sa Merriam Webster Dictionary, Eleventh nga hapit na ipagawas.

Ang Dictionary.Com usab naghulagway sa “telenovela isip “noun” nga nagpasabot: a television soap opera in Latin America: a type of melodramatic serialized fiction produced and aired in Latin countries.

Kahinumduman nga ang pulong telenovela misikat sa Pilipinas pagsugod sa Mexican soap Marimar nga gibidahan ni international star Thalia.

Samtang laing pulong nga may kalambigitan sa showbiz nga pasok usab sa bag-ong edition sa nahisgutang dictionary mao ang “Bollywood” nga mas naila sa India isip tugbang sa sikat kaayo nga Hollywood.