Michael V, handang-handa na sa Araneta

Kahit anong mangyari, tuloy ang pinakamalaking show ni Michael V. sa Araneta Coliseum sa July 17.

Katakut-takot ang dumarating na swerte sa "Prince of Disguise". Kamakailan lang ay napanood ang bago niyang comedy show, ang Bitoy’s Funniest Video sa GMA 7, at ngayon naman ay ang Show Ko ’To sa Araneta.

Walang puknat ang ensayo na ginagawa niya at dumating na sa puntong nababawasan ang atensyon niya sa pamilya. Pero babawi siya after ng kanyang Araneta show na ang producer ay ang OctoArts Entertainment, Inc. and X Zone Entertainment, Inc. na kung saan ay isa si Michael sa mga producers.

Napapanahong magtatawa dahil nakakaloka na ang mga problemang kinakaharap ng bansa. Pang relief daw ito kahit ilang oras lang.

Makakasama niya ang ilan sa mga kilalang performers like Allan K, Janno Gibbs, Aubrey Miles, Sex Bols at iba pa. — LGCELI