Anak ni Dante Varona, tries again
- Veronica R. Samio () - July 21, 2001 - 12:00am
Ilang taon pa lamang ang nakakaraan nang unang ma-feel ng mga Pilipino ang presence ni Tanya Varona sa paligsahan ng Metropop Songfest. Isang balikbayang singer si Tanya who spent seven years of her young life in sunny California, USA at anak ng sikat na action star na si Dante Varona, ang nag-iisang aktor na nagkalakas loob na talunin ang San Juanico Bridge bilang bahagi ng isang stunt niya sa pelikula. Bagaman at natalo siya sa nasabing pakontes, it was not enough to dampen her spirits at iwan ang isang pangarap na makilala sa bansang kanyang sinilangan bilang isang singer.

A few years after that depressing lost, nagbabalik si Tanya sa isang musical concert na magaganap sa Downtown ng Hotel Rembrandt ngayong gabi, Hulyo 21, na pinamagatang Two-Gether. Makaka-back-to-back niya sa show ang isa sa naging malapit niyang kaibigan sa showbiz, si Tintin Gonzaga with special guest, Lance Raymundo.

Bagaman at walang masyadong balita kay Tanya, hindi ibig sabihin ay wala na siyang ginagawa para mapaunlad ang kanyang career. Regular siyang kumakanta sa Calesa Bar ng Hyatt Regency every Mondays at tuwing Martes nasa Stonehouse naman siya, isang napaka-intimate na lugar sa Rodriguez Ave. na dinadayo ng mga tao for its food and subdued entertainment. Alternate sila dito ni Tintin who sings every Mondays at sa Calesa Bar every Thursday at Tuesdays naman sa Century Park Hotel.

Bagaman at isa ring kabataan, isang multi talent si Tintin Gonzaga, 17 taong gulang at regular na napapanood sa mga programa sa TV tulad ng Bubble Gang, SOP, Ikaw Lang Ang Mamahalin, pawang mga palabas ng GMA7. Beterana rin siya ng maraming singing contests simula nung apat na taong gulang siya at naging front act ng mga sikat nang performers tulad nina Jolina Magdangal, Side A Band, atbp. Nakalabas na rin siya sa isang pelikula nina Vic Sotto at Michael V.

Panauhin ng dalawang magagaling na young singers si Lance Raymundo, isang recording artist na kasalukuyang humihirit ang single na "Hope For The Lonely Nights" mula sa kanyang self-titled album. Gusto sanang magdoktor ni Lance having finished his BS Biology in UP Manila pero mas nanaig ang kaway ng showbiz, marahil dahilan sa nagmula siya sa isang showbiz family, his mom a former movie star, his dad a movie and TV commercial producer at his brother Rannie, an excellent singer/producer and an actor too.

Sa kanilang Two-Gether concert the three young performers will dish out pop & R&B numbers, solo and in group plus an array of standard songs na kagigiliwan maging ng kanilang nakatatandang audience, those who will surely accompany their children to the show.
*****
Sayang at di matutuloy ang concert ng kilalang bandang Aleman na The Scorpions na nakatakda sanang ganapin sa Agosto 1 sa Araneta Coliseum. Ayon sa mga namamahala ng palabas, ang mga pangyayaring hindi nila inaasahan ang pangunahing dahilan sa pagkakansela ng pagtatanghal sa Maynila ng kilalang heavy metal rock band.

Ipinagbibigay alam din na makukuha lamang ng lahat ng nagsibili ng tiket ang kanilang refund sa Ticketnet ng Araneta Coliseum, mula Agosto 1 hanggang 15, 2-5 ng hapon. Para sa iba pang ulat, tungkol sa pagsasauli ng tiket, tumawag sa 9115555.
*****
Tingnan mo nga naman at na-extend pa ang showing ng Amorseko, Damong Ligaw, ang launching movie ni Halina Perez. Syempre, masaya ang Leo Films sapagkat ang magandang resulta ng kanilang movie ay magbibigay ng magandang inspirasyon sa iba pang movie producers na gustong gumawa ng ST films.

Dahil sa ipinakitang lakas ng pelikula sa takilya, isusunod kaagad ang follow up movie ni Halina na Sa Dagat Ng Pagnanasa.

AGOSTO ARANETA COLISEUM BAGAMAN BUBBLE GANG CALESA BAR ISANG LANCE RAYMUNDO TANYA TINTIN GONZAGA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with