Mayor Nieto, sa bangketa sa Cainta

SA Cainta, hindi na puwede ang pa-simpleng angkin ng kalsada. Diretso ang mensahe ni Mayor Kit Nieto: bangketa para sa tao, hindi para sa extension ng bahay.

Sa totoo lang, matagal nang sakit ‘to sa mga komunidad yung bangketa na dapat dinadaanan ng tao, nagiging garahe, tambakan, o extension ng sala. Yung naglalakad ka na lang, mapipilitan ka pang bumaba sa kalsada kasi may nakaharang na gate o pader. Delikado na, perwisyo pa.

Kaya ngayon, umaaksyon na ang munisipyo. Hindi puro salita may galaw. Ang engineering­ team, umiikot na para magbigay ng abiso sa mga bahay na sumobra na sa linya. Walang paliguy-ligoy kung lumampas sa dapat, tatanggalin.

Pero eto ang kakaiba hindi pinapabayaan ang tao. Hindi ka iiwan sa ere. Ang gobyerno na mismo ang umaako sa gastos ng pagbabaklas ng mga ilegal na extension, lalo na yung mga gate at garahe na lumampas na sa tamang sukat. Ibig sabihin, aayusin ang mali pero hindi ka bibiglain sa gastos.

Simple lang ang punto ni Mayor: respeto sa espasyo ng bawat isa. Hindi puwedeng ikaw lang ang may ginhawa, tapos yung kapitbahay mo, alanganin sa paglalakad araw-araw.

At hindi lang ‘to tungkol sa pagtanggal ng sagabal. May mas malaking plano gawing “walkable” ang Cainta. Yung tipong kahit ordinaryong tao, bata man o matanda, may ngipin o wala, tomboy man o bakla, mahirap man o mayaman kayang maglakad nang maayos, ligtas, at hindi nakikipagsapalaran sa kalsada.

“Ayusin natin ang bayan natin. Galangin natin ang karapatan ng mga taong maglakad ng maayos sa mga bangketa,” sabi nga ng alkalde. Hindi lang ito paalala, panawagan ito sa disiplina.

Sa dulo, malinaw kung gusto natin ng maayos na komunidad, magsisimula ‘yan sa maliliit na bagay tulad ng pagrespeto sa bangketa. Hindi ito laban ng gobyerno lang. Laban ito ng lahat.

Disklaymer: Ang artikulong ito ay batay sa umiiral na ulat at pahayag, at muling isinulat para sa layuning pang-impormasyon at mas madaling maunawaan ng publiko.