600 cagers sa SBP-Passerelle ng BEST Center
Si BEST Center founder Nic Jorge (ikatlo mula sa kaliwa) kasama si PBA legend Benjie Paras.
MANILA, Philippines — Higit sa 600 players mula sa 150 paaralan sa buong bansa ang makikipag-agawan para sa torneo sa SBP– Passerelle, ang taunang interschool basketball twin tournament para sa mga bata.
Didribol ang ika-32 season ng SBP– Passerelle sa Fr. Rafael Cortina Sports Center, Xavier School.
Nagsimula ang twin tournament sa playoffs sa pagitan ng mga top schools sa NCR na may mga elimination games sa bawat dibisyon.
Dumalo sa pagbubukas ng SBP-Passarelle si Philippine basketball legend, actor at BEST Center graduate Benjie Paras, sumuporta sa kanyang anak na si Riley na naglalaro para sa De La Salle Greenhills team at sumusunod sa mga yapak ng kanyang mga kuyang sina Andre at Kobe.
Sina Andre at Kobe Paras ay mga alumni ng BEST Center clinic at naglaro din sa SBP-Passerelle twin tournament.
“Every year, we see improvement in skills of the kids joining SBP-Passerelle. It’s heartening to see that the determination and passion for basketball in the country remains strong, and we are glad to provide a venue for aspiring players to hone their talents,” ani dating national coach at BEST Center Founder Nicanor Jorge.
Magkakasabay na isinasagawa ang mga elimination games sa Luzon, Visayas at Mindanao.
Ang La Salle Greenhills ang nagkampeon sa SBP Division at ang Adamson University ang naghari sa Passerelle Division.
- Latest
