Joaquin ug Lella magpares
CEBU, Philippines — Magpares sila Joaquin Arce ug Lella Ford sa umaabot nga youth-oriented series sa iWant nga “Juan and Lily Run for SK,” kun diin magtangag kini og komedya, panaghigalaay, public service ug politika sa Pilipinas.Excited na ang mga bida sa maong proyekto, ilabi na sa mahimong dagan sa istorya niini.
Ibalhin sa Thailand
Gipahibalo sa mga nagdumala sa Miss Grand International nga ilang gihunong ang tanang kalihokan nga may kalabotan sa Miss Grand International 2026 sa India ug ila na kini nga ibalhin sa Thailand.Gihimo ang maong desisyon human napakyas ang host country sa pagtuman sa mga obligasyon nga base sa kontrata. Tungod niini, ang Thailand na ang mahimong bag-ong lugar alang sa mga nahibiling kalihokan sa kompetisyon.
No comment
Gibutyag ni Sharon Cuneta nga dili na kinahanglan nga mohatag siya og komento kalabot sa nahitabong komprontasyon kaniadto tali sa iyang bana nga si Senador Kiko Pangilinan ug Senador Robin Padilla.
“No comment… Ganito na lang. ‘Uy ex ko. Uy husband ko.’ Tapos na. It stops there. I don’t wanna comment, sa amin it’s a non-issue,” saysay pa ni Sharon sa guesting niini sa Fast Talk With Boy Abunda.
Jodi molugwa sa dokumentaryo
Gihatagan og tingog sa award-winning actress nga si Jodi Sta. Maria ang bag-ong dokumentaryo sa ABS-CBN News nga “Hindi Suntok sa Buwan ang Kapayapaan,” nga nagtutok sa mga istorya sa kababayen-ang Bangsamoro nga aktibong nangita og kalinaw sa rehiyon.
Ang dokumentaryo nagsaysay sa kinabuhi sa tulo ka kababayen-an nga kanhi miyembro sa Bangsamoro Islamic Women Auxiliary Brigade (BIWAB) ug Moro Islamic Liberation Front (MILF), ug sa ilang pagbalhin ngadto sa sibilyan nga kinabuhi human sa 2014 peace deal tali sa gobyerno ug MILF.
Ipasalida ang “Hindi Suntok sa Buwan ang Kapayapaan” karong Lunes, Setyembre 7, alas-8 sa gabii sa ABS-CBN News YouTube channel, ANC, ug iWant.
- Latest
