Lalaking nag-amok, todas sa pulis
MANILA, Philippines — Isang lalaki na nag-amok na nanghabol ng itak ang nasawi matapos na mabaril ng rumespondeng puliis nitong Lunes sa Pavia, Iloilo City.
Dead-on-arrival sa ospital ang suspek na nakilalang si alyas “JR”, 33.
Sa isang press briefing, sinabi ni PNP Chief PGen. Nicolas Torre III na napilitan ang isang pulis na paputukan ang suspek bilang pagtatanggol sa sarili.
Nabatid na tumawag sa 911 emergency hotline ang pamilya ng suspek upang humingi ng tulong matapos umano itong magbanta sa kaaway nitong kanyang kapatid na babae.
Agad namang rumesponde ang mga pulis at sinubukang pakalmahin ang suspek, ngunit naging agresibo ito at patuloy na nagbanta habang may hawak na patalim.
Makikita sa kuha sa CCTV footage na habang papalapit ang pulis para pakalmahin ang suspek at hinabol ito dahilan para mabaril ito ng pulis sa dibdib ng naging sanhi ng kanyang kamatayan.
Bunsod ng insidente, pinag-aaralan na ngayon ng PNP kung dapat bang magkaroon ang mga pulis ng non-lethal weapons tulad ng baton o pepper spray upang mas maayos na matugunan ang ganitong klase ng sitwasyon.
- Latest
