P1 milyong reward sa magtuturo sa killers ng piskal
MANILA, Philippines — Nakahandang magbigay ng pabuyang P1 milyon ang pamilya sa sinumang makapagbibigay ng impormasyon para maaresto ang mga salarin na pumatay kay Ilagan City, Isabela deputy prosecutor Victor Begtang Jr.
Sa pamamagitan ng kanyang social media account ay sinabi ng anak ng pinaslang na si Justin Begtang na nakapagdesisyon ang pamilya na magbigay ng reward money sa sinuman na makapagbibigay ng pagkakakilanlan sa dalawang gunmen na siyang lumapit kay Deputy Pros. Begtang Jr. noong June 23, 2021 sa kanyang auto repair shop na matatagpuan sa sitio Hanhan, Barangay Malama, Conner, Apayao.
Ayon pa sa pulisya na namaukhaan ng biktima ang isa sa mga suspek na tumutok sa kanyang baril at nasabihan ang kanyang mga kasama na tumakbo bago siya pinagbabaril.
Kahit may mga tama na ay nagawang makatakbo ang biktima sa kanyang bahay, subalit hinabol siya ng isang gunman at muling pinagbabaril.
Mabilis na tumakas ang mga gunmen gamit ang kanilang motorsiklo sa pagtakas ng masigurong patay na ang biktima.
Nagawa pang madala si Begtang Jr. sa ospital, subalit idineklarang dead on arrival.
Kaya’t umapela si Justin sa sinumang nakasaksi at may alam na impormasyon sa mga killer na ireport sa mga pulis o kontakin siya sa 09676792887, 09673020934 at 09278634851.
- Latest
