Mahigit 800 pamilya, apektado ng baha

KABACAN,North Cotabato, Philippines — Nasa 892 pamilya ang apektado ng pagbaha dulot ng mga pag-uulan sa bayang ito nitong mga nagdaang mga araw.

Sa inisyal na report ng Municipal Disaster Risk Reduction Management Council ng Kabacan kahapon na apektado ng mga pagbaha ang mga Barangay ng Kayaga, Bangilan, Malanduague, Bannawag, Cuyapon, Lower Paatan, Salapungan, Aringay.

Nasa 275 naman ng mga magsasaka ang apektado matapos malubog sa tubig-baha ang 349 na ektarya ng kabuuang sakahan.

Sa ngayon inaalam pa ang kabuuang danyos ng nasabing pagbaha sa kabuhayan ng mga residente.