4.1 magnitude na lindoltumama sa Albay

LEGAZPI CITY, Philippines — Niyanig ng lindol ang islang bayan ng Rapu-Rapu sa lalawigan ng Albay kahapon ng umaga.

Nagulat ang ilang mga residente nang biglang yumanig ang paligid na tumagal ng ilang segundo.

Ayon sa ulat ng Phi­lippine Volcanology and Seismology (PHIVOLCS), dakong alas-9:17 ng umaga nang maramdaman ang pag­yanig na umabot sa ilang karatig bayan hanggang sa Legazpi City.

Aabot sa 4.1 magnitude ang lakas ng naram­damang pagyanig kung saan tectonic umano ang pinagmulan at may lalim na 23-kilometro.

Wala namang naging pinsala o nasaktan sa lindol maliban na lamang sa pagkagulat ng ilang residente at inakalang nahilo lamang sila.