2 sabungerong Marines arestado
TUGUEGARAO CITY, Cagayan, Philippines — Bagsak kalaboso ang dalawang corporal ng Philippine Marines matapos maaktuhan ng mga awtoridad na nagsusugal sa loob ng sabungan sa Brgy. Pengue Ruyu sa lungsod na ito noong Biyernes.
Kinilala ni City Chief of Police Lt. Colonel George Cablarda, hepe ng Tuguegarao City Police ang mga naaresto na sina Jey-Pherson Calagui, 30, nakatalaga sa Department of Foreign Affairs Office sa Manila at John Lerry Barsabal, kasapi ng Marine Landing Battalion sa Maguindanao.
Ayon kay Cablarda, ang pagdakip sa dalawang sundalo ay alinsunod sa polisiya ng Internal Cleansing ng pulisya at militar na ipinatutupad ng administrasyong Duterte sa pagbabawal sa mga alagad ng batas na mahumaling sa mga pasugalan at bahay-aliwan.
Bagama’t may permit to carry firearms na ipinakita si Calagui sa mga arresting officers ay kinuha pa rin ang kanyang cal.45 baril dahil walang bisa ang mga naturang pahintulot kapag ipinasok sa pasugalan gaya ng sabungan.
- Latest
