Mag-uutol, 4 pa huli sa drug ops

CAVITE  , Philippines  —  Swak sa selda ang pitong sinasabing mga kilabot na ‘tulak’ ng droga kabilang ang tatlong magkakapatid sa isinagawang drug bust operation ng mga otoridad sa Parkdale 1 Brgy. Anabu, Imus City, sa lalawigang ito.

Ang mga nasakoteng suspek na magkakapatid na Cortez ay sina Antonio, 54; Armando, 64; at Romigildo, 52; at apat pa na sina Mark Carlos “Caloy” Camama, 28; Jash Renzel Matario, 20; Royce Saquilayan, 51; at Paulino Ormilla, 52; pawang mga residente ng nasabing lugar. 

Nakumpiska sa mga ito ang 11 plastic sachets ng shabu, drug money at mga drug paraphernalias.  Nahaharap na ngayon ang mga suspek sa kasong paglabag sa RA 9165 o  ang Comprehensive Dangerous Drugs Act of 2002.