Bigtime ‘tulak’ timbog sa Cavite
MANILA, Philippines — Isang itinuturong bigtime na ‘tulak’ ng droga ang nasakote ng mga otoridad makaraang makumpiskahan ng higit sa P1-milyong halaga ng shabu sa ikinasang buy-bust operation sa lungsod ng Dasamariñas, lalawigan ng Cavite, kamakalawa ng hapon.
Kinilala ng Dasmariñas Police ang nasakoteng suspek na si Aboamen Haji Samad alyas ‘Amen’, 26-anyos, at residente ng Excess Lot Brgy. Datu Esmael, ng naturang lungsod.
Sa ulat ng pulisya, dakong alas-2:30 ng hapon nang ikasa ang operasyon kung saan isang pulis ang nagpanggap na buyer at nakipag-deal sa suspek sa halagang P2,000 halaga ng shabu.
Nang magpositibo ay dito na ito dinakma ng mga pulis si Amen at nakuhanan ng 3 plastic ice bags na naglalaman ng shabu na may timbang na 155 gramo at nagkakahalaga ng P1.054-milyon.
Nahaharap na ngayon ang suspek sa kasong paglabag sa RA 9165 o Comprehensive Dangerous Drugs Act of 2002.
- Latest