Agaw-cellphone queen at tulak timbog

LUCENA CITY  , Philippines  —  Nagwakas ang modus operandi ng itinuturing na reyna ng mga mang-aagaw ng cellphone at pagiging tulak nito ng ilegal na droga makaraang maaresto sa inilatag na buy bust ng mga operatiba ng City Drug Enforcement Unit ( CDEU ) sa purok San Roque, barangay 4, kamakalawa ng madaling-araw.  

Kinilala ni P/Supt. Romulo Albacea, chief of police dito ang nadakip na si Lorna Mendoza, 60, hiwalay sa asawa, residente ng nasabing barangay. Siya ay drug surrenderee at nagtapos din sa programang Yakap Bayan subalit nagpapatuloy sa pagtutulak ng ilegal na droga at nagsisilbi ding bagsakan ng mga ninakaw na cellphone. Isinagawa ng mga operatiba ng CDEU ang operasyon sa suspek dakong alas-4:20 ng madaling-araw at nakumpiskahan siya ng mahigit sa 1 gramo ng shabu at mga drug paraphernalia.