73-anyos lolo kinatay ng kapitbahay

QUEZON, Philippines – Nagmistulang kinatay na hayop ang katawan ng 73-anyos na lolo matapos itong pagtatagain ng kanyang kapitbahay na nakaalitan sa Sitio Pasaliulo, Barangay Mabini sa bayan ng Mulanay, Quezon kamakalawa ng gabi. Namatay agad ang biktimang si Oscar Funtilar habang tugis naman ng pulisya ang suspek na si Marvin de Vida. Base sa imbestigasyon ng pulisya, huling namataan ang dalawa na nagtatalo sa hindi malamang kadahilanan dakong alas-6:30 ng gabi. Gayon pa man, biglang hinugot ng suspek ang kanyang itak saka pinagtataga ang biktima sa leeg at nang bumulagta sa lupa ay sunud-sunod pang initak hanggang sa mapatay.