4 nawawala sa lumubog na bangka

TUGUEGARAO CITY, Cagayan, Philippines – Apat-katao ang nawawala habang aabot naman sa 13 high school students ang nakaligtas makaraang lumubog ang bangka sa karagatan ng Babuyan strait malapit sa liblib na isla ng Camiguin, Calayan, Cagayan noong Miyerkules. Kabilang sa nawawala ay ang pamilya Geralde na sina Ruben, Rosalita, at mga anak na sina Amboy at Robin Geralde. Sa ulat ni P/Senior Insp. Emil Pajarillo, hepe ng Calayan PNP,  nabatid na pauwi na ang mga biktima matapos dumalo sa kapistahan sa karatig isla ng Murol nang masiraan ang bangka sa gitna ng maalon na dagat dakong alas-2:20 ng hapon. Tumutol na lumangoy ang pamilya Geralde sa mga estudyante ng Calayan National High School na lumalangoy patungo sa dalampasigan ng Camiguin. Pinaniniwalaang inanod ng malakas na alon ang bangkang sakay ang pamilya Geralde.