Magkaibigan itinumba

CAMP SIMEON OLA, Legazpi City, Philippines — Napaslang ang magkaibigang matalik matapos na ratratin ng mga armadong kalalakihan sa Sitio Pinagbadilan, Barangay Buga, bayan ng Libon, Albay kamakalawa ng hapon. Kinilala ang mga napatay na sina Jeremias Obedece, 55, ng Barangay Zone 2; at Generoso Segarra, 47, ng Barangay Zone 5. Base sa police report, papauwi na ang dalawa lulan ng motorsiklo mula sa Barangay Molosbolos nang tambangan ng grupo ng kalalakihan pagsapit sa nabanggit na barangay. Narekober ng pulisya sa crime scene ang 15-basyo ng cal.45 pistol.