Lolo dinedo sa gulpi ng kainuman

TUGUEGARAO CITY, Philippines – Pinatay sa gulpi ang 72-anyos na lolo ng kanyang mga kainumang kapitbahay sa Barangay Luyang, Bayombong, Nueva Viscaya kamaka­lawa.
 Kinilala ni SPO1 Marzel Goloyugo ang biktima na si Eluterio Galamay habang naaresto naman ng pulisya ang mga suspek na sina Leonardo Sonio, 29; at Jondo Cara. Lumalabas sa imbestigasyon na inanyayahan ng suspek ang matanda sa inuman sa kaarawan ng kanyang anak. Nang malasing ay nagsimulang makipag-away ang biktima sa kanyang mga kainuman. Bugbog-sarado at wala nang ulirat ang biktimang isinugod sa Veteran’s Regional Hospital kung saan ito nalagutan ng hininga.