Dalaga tinarakan, utas

CAMP SIMEON OLA, Legazpi City, , Philippines – Hindi na umabot pa ng buhay sa pagamutan ang isang dalaga matapos na ito ay pagsasaksakin ng suspek habang kumakain ng hapunan kasama ang kanyang pamilya sa Barangay San Rafael, Lupi, Camarines Sur kamakalawa ng gabi. Kinilala ang biktima na idineklarang dead-on-arrival sa Sipocot District Hospital na si Catalina Corbilla, 33 anyos, dalaga at residente ng naturang lugar. Samantala ang suspek na mabilis na tumakas ay kinila­lang si Michael Fernandez 29, may asawa at residente rin dito. Sa ulat ng pulisya, kasalukuyang naghahapunan ang pamilya ng dalaga ng bigla na lamang itong undayan ng saksak ng suspek na umano’y bangag sa droga. Iniimbestigahan na ang kasong ito.