STDs kumakalat sa Isabela

TUGUEGARAO CITY ,Philippines  — Nagbabala sa publiko ang city health office ng Departamento ng Kalusugan dahil sa pagdagsa ng kaso ng sexually transmitted diseases (venereal diseases) sa Cauayan City, Isabela.

Sinabi ni Narito Maximo, over-all program in-charge sa city health office na umabot sa kasong 60 ang naitalang nauugnay sa sexually transmitted diseases simula noong Enero hanggang kasalukuyang buwan.

Karamihan sa mga naapektuhan ng STDs ay pakikipagtalik sa ibat’ ibang lalaki ng mga guest relation officers (GRO) mula sa iba’t ibang videoke bar at beerhouse sa nasabing lungsod.

Sinabi ni Maximo na kasalukuyan nilang tinututukan ang mga bahay-aliwan na sinasabing pinagmumulan ng sakit na syphilis, gonorrrhea, at ang non-specific urethritis.

Naunang nagpahayag ng parehong problema ang city health office sa Santiago  City na nagsabing isang kinatatakutang kaso ng STDs ang nadiskubreng may HIV na dulot ng Aids ang kumapit sa isang GRO.