Sampaguita vendor binoga ng kapitbahay

LUCENA CITY, Philippines — Tinapos ng isang obrero ang matagal na nilang alitan ng kapitbahay na sampaguita vendor sa pamamagitan ng pagpatay dito gamit ang baril kamakalawa ng umaga sa Purok Jasmin,barangay Silangang Mayao.

Nagkabutas-butas ang katawan sa tama ng bala ng baril at malamig nang bangkay ng matagpuan ang biktimang  si Dante Alvarez, 30, may-asawa habang naaresto nina PO2 Jefferson Tamaray, PO2 Randy Buenaventura at SPO2 Rey Delfante ang suspek na si Sherwin Marco, 32.

Ayon sa imbestigasyon dakong alas 7-ng umaga ay natagpuan ang biktima na walang buhay sa tabi ng irrigation, inakala pa ng mga residente na sinalvage ang biktima subalit sa follow-up operation ng mga awtoridad ay nabatid na plinano ng suspek na patayin ang biktima upang tapusin na ang matagal na nilang alitan.

Naglalakad umano ang biktima ng patraydor na paputukan ng ilang beses ng suspek gamit ang hindi pa mabatid na kalibre ng baril saka tumakas.Nagsagawa ng sorpresang operasyon sina Tamaray, Buenaventura at Delfante kung kaya naaresto ang suspek.