Mayoralty bet, 8 pa kinidnap

MANILA, Philippines - Dinukot ng rebeldeng New People’s Army ang isang mayoralty bet at wa­long opisyal ng barangay habang nangangampanya sa Barangay Marayag, Lu­pon, Davao Oriental ka­makalawa.

Kinilala ni Army’s 10th Infantry Division spokesman Capt. Emmanuel Garcia, ang dinukot na si Independent mayoralty candidate Afran “Boy” Quinones.

Si Quinones at mga supporter nitong 8-opisyal ng barangay ay dinukot ng mga armadong rebelde na nakasuot ng fatigue uniforms ng military sa pangu­nguna ng isang Ka Benjie ng Sentro de Gravidad NPA Front Committee 18.

Taliwas sa unang na­paulat, klinaripika ni Garcia na pito pa lamang na mga barangay opisyal ang pina­walan at nanatili pa ring bihag si Quinones at supporter na si dating Kaga­wad Ronisito Pedro ng Barangay Marayag.

May kaugnayan sa permit to campaign fee (PTC) ang motibo ng pagdukot kay Quinones dahil humi­hingi ang mga rebelde ng malaking halaga bago ito pahintulutang makapa­ngampanya sa lugar.

Kaugnay nito, nakipag­negosasyon na si Compos­tela Valley Governor Arturo Uy sa mga rebelde para sa ligtas na pagpapalaya kay Quinones at isa pang ka­samahan nito.

Kasunod nito, hinostage naman ng mga rebelde si Nacionalista Party mayoralty candidate Jessie Cal­lano matapos itong hara­ngin habang nangangam­panya sa Sitio Kilayan, Brgy. Malixi, Tagbina, Suri­gao del Sur.

Nabatid na humihingi rin ang mga rebelde ng P50,000 sa kandidato ng Nacionalista Party sa pag-alkalde na si Jessie Cal­lano upang pahin­tulutang makapangampanya sa ka­nilang kontroladong te­ritoryo.

Ang grupo ni Callano ay pinawalan ng mga rebelde matapos ang 30-minuto kung saan ay nagbanta pang muli ang NPA na isa­sabotahe ang kam­panya nito kapag nabigong mag­bayad ng P 50,000 PTC fees.