2 kinidnap ng Sayyaf nasagip

MANILA, Philippines - Sa loob lamang ng pitong oras, nasagip ng mga awto­ridad ang dalawang mang­gagawa na dinukot ng mga bandidong Abu Sayyaf sa Talipao, Sulu kamakalawa.

Kinilala ni Supt. Jose Bayani Gucela, tagapag­salita ng Philippine National Police-Directorate for Integrated Police Operations Western Mindanao, ang mga nailigtas na bihag na sina Aspin Giminsil, 39 an­yos, at Kadspar Abduhasan, 22, kapwa empleyado ng Zam­ boanga-base Alliance for Mindanao for Off Grade Renewable Energy.

Ang mga ito ay kasapi rin ng Jolo-based ILMOH ( Integrated Learning for Moslem Highlanders).

Dinukot ng may 10 ban­dido ang mga biktima sa Upper Sinumaan, Talipao nitong Huwebes.

Nang matanggap ang im­ pormasyon ay agad na­mang pinakilos ng PNP- DIPO Western Mindanao ang Sulu Pro­vin­cial Police Office upang ilig­tas ang mga biktima.

Bandang alas-7:00 ng gabi matapos makakuha ng impormasyon ay nagsa­gawa ng operasyon ang Talipao Municipal Police Station sa pamumuno ni Inspector Jeff Sherwin Ramos sa tulong ng Citizens Emergency Forces at Barangay Chairman Bud Bunga.

Napilitan naman ang mga kidnapper na abando­nahin ang mga bihag sa takot na maubos sila sa bak­bakan kung saan ay ligtas ang mga itong naibalik ng mga awto­ ridad sa kanilang pamilya.