40.7 temperatura, posibleng papalo hanggang Mayo - PAGASA
MANILA, Philippines — Tinataya ng Philippine Athmospheric Geophysical and Astronomical Services Administration (PAGASA) na papalo mula 40.3 hanggang 40.7 ang temperatura o ang forecast maximum daytime temperature sa Northern Luzon hanggang sa katapusan ng susunod na buwan ng Mayo dahil sa patuloy na epekto ng El Niño phenomenon o panahon na walang ulan at summer season.
Sinabi ni Dra. Ana Solis, hepe ng Climate Monitoring and Prediction ng PAGASA, nakapagtala na ang Isabela ng 40 temperatura nitong nagdaang April 15 at patuloy pa ang pagtindi ng init ng panahon kaya’t inaasahan na ang pagtaas pa dito ng temperatura.
Binigyang diin ni Solis na mas matindi ang init na nararamdaman sa mga urban areas o ang Urban Heat Island Effect dahil matindi ang init ng solar heat emission na tumatama sa mga semento tulad ng mga bato, gusali, kalsada na gawa sa semento kaya’t napakainit nang pakiramdam sa urban areas laluna kung lalabas ng etablisimiyento o tahanan.
Binigyang diin ni Solis na tataas pa sa 36.9 maximum daytime temperature na naitala sa Pasay ang asahan sa mga susunod na araw hanggang sa Mayo sa Metro Manila kaya’t dapat ingatan ang kalusugan mula sa tindi ng init ng panahon.
Umaasa naman ang Pagasa na sa pagpasok ng buwan ng Hunyo ay maglaho na ang panahon ng El Niño phenomenon at makakaranas na ng katamtaman at normal na panahon ang bansa lalo na ang Metro Manila.
- Latest
