5 taong termino sa Brgy./SK officials, isinusulong

MANILA, Philippines — Isinusulong ni 2nd District Agusan del Norte Rep. Dale Corvera ang 5 taong termino para sa mga Barangay at Sangguniang Kabataan (SK) officials sa bansa na dapat ilimita lamang ang panunungkulan sa dalawang taong termino.

Ayon kay Corvera sa pamamagitan nito ay magagawa ng mga Barangay /SK officials ang kanilang mandato na mas konti ang pressure sa dalas ng pagsasagawa ng halalan at maiwasan rin ang praktis sa palagiang pagpapaliban ng eleksiyon.

Sinabi ni Corvera na sa ilalim ng Section 8, Article X ng 1987 Constitution, ang termino ng tanggapan ng mga halal na opisyal sa nasabing posisyon ay 3 taon maliban na lamang sa mga opisyal ng barangay na idedetermina ng batas na hindi naman lalagpas sa 3 consecutive na termino.

Magugunita na ang pinakahuling pagpapaliban ng Brgy./SK elections ay sa pamamagitan ng Republic Act No. 11935 na idineklara ng Korte Suprema na unconstitutional na nagbigay daan para sa Oktubre 30, 2023 elections para ituloy ito.