ACT-CIS nanguna sa ibobotong partylist
MANILA, Philippines — Nangunguna ang ACT-CIS Partylist sa mga ibobotong partylist sa Mayo 9 batay sa latest survey ng RP-Mission and Development Foundation Inc. (RPMD) sa nakuha nitong 8.23 % rating na sapat para maging “top choice” ng mga botante na partylist para maging representante nila sa kongreso.
Ayon kay ACT-CIS nominee Edvic Yap, nakakataba ng puso dahil pinili sila ng mga botante para muling maging kinatawan nila sa kongreso. Taus-pusong nxagpapasalamat si Yap sa tiwala sa kanila ng publiko at nangakong ipagpapatuloy ang mga magagandang nasimulan ng kanilang grupo.
Sinabi naman ni ACT-CIS Chairman Erwin Tulfo, hihigitan pa nila ang pagtulong sa publiko ngayong taon, kumpara sa mga nakalipas na taon na ginawa nilang pagtulong.
Idinagdag pa ni Tulfo, hindi lang pagtulong sa mga inaapi, kundi pati sa mga may sakit na mga kababayan ay makakaasa rin ng ayuda mula sa mga maintenance medicines hanggang sa pagpapagamot sa ospital.
- Latest
